لطشاااااااااااااااااات

سلام عليكم ياحلووووين

زي دايم اقوم نشيط والبس ثيابي

واروح ادور لكم صور عشان تحبوني اكثر واصير احسن شي في العالم

لاحظوا اني اقوم الصبح والبس ثيابي

يعني طمرت شغلتين وهي الغسيل والفطور

مما يجعلك متأكد عزيزي القاريء بأني اسرح الصبح وريحة فمي تفقع الراس

والوجه عابس والغمص مثل الزبيدي في العين

لكن لعيون المميزة واعضاء المميزة يهون التعب وكل شي > بالحيل يالمتفاني


سمعوني صوت السيفون على اللي فووووق


على عجاله من امري اردت ان تشاركوني > صح يالفصحى

يعني خاشروني في الصور لبى قلوبكم خلنا نمعطها ونتمعن فيها

جاهزين ياوحوش

يالله كل واحد يحط يده على راسه واليد الثانيه على راس اللي جنبه > اخلص لا يطبعون يديهم على خدك

7
7
7
7
7



خلصت المعالم الحضاريه والمعماريه الجذابه

)
(
)

(

ولم يبق سوى قليلا من الهياط الحائلي===> ترى امزح يهل حاايل لحد يزعل

همسه في اذن المصمم

يرحم امك لاتجي الرياض





اما شكلها من بعيد يذكرني بابو رحله وهو منسدح خخخ

بس تصدقون فيها خطوره على السيارات

مايسوى وانت ماشي مع الدوار يطيح عليك مربوعه تفقع راسك

همسه ثانيه في اذن المصمم

زي ماقلت لك قبل شوي لاتجينا اوكي؟

-------------

الدول تطورت و وصلت للقمر

وحنا نحفر وندفن


في بعض الدوائر الحكوميه اللي تجيب لك السعال الديكي

الزبده خلونا نثبت لهم انا رجال مواقف ====> كركر اعجبتني

ونتقاط لهم كل واحد ريال

ونزين لهم كشك ثاني احسن من هذا خخخخ

تحس انك قدام مقصف مدرسه مهب مرور القويعيه



هذا شكله بيطلب للفصل كله خخخ

يعني الموظف اللي داخل الكشك مايجيه كتمه وضيق تنفس !

احس انه يخلص المعاملات وعليه مغذي

يقولون اخر ايامه يشكي من الذبحه الصدريه



-----------------------

ياروحي يالزفلت في السعوديه

(
)
(
)
(
)

مدري تخطيط المملكه كان على اساس بدون شوارع !

والا ناوين الخطه الجايه تكون كل بلك يتقاطون ويزينون شارعهم > نغزه على سالفة المجاري

الزبده خلاص مانبي شوارع على الأقل حطوا لنا ردميّه تكون متواسيه

و هالمرور اللي كل سنه ناقزين علينا بإحصائية للحوادث

ياليت يسوون احصائية للشوارع المعاقه ويضبطونها

علينا شوارع ياناس مدري شتبي




افرض اني مسرع وجالس انغف في خشمي

وارفع راسي واشوف الرصيف بوجهي

مو على اساس كل شوارع الدنيا سيده

الا هالشارع اللي يستهبل


بعرف السهم اللي يسار وش يبي

منظر جمالي يعني !
-----------------
تخسي اليابان في النظام والدقه

مايمديها تصف جنب السعوديه في التكنولوجيا الرهيبه

اشارة للسيارات واشارة للطيارات

بالله فيه دوله تسويها ؟


الحين عرفت ليش قالوا

ارفع راسك انت سعودي



----------------
بعض الناس عنده مرض

حب الكشخه والتناسق




لازم يلبس طقم والا يحس انه مفصخ

هذي البنت طاقه ام التطقيمه بالأبيض

تشوفها من بعيد تحس انها سـسـتر

عاد هالولد يبي يتأكد من اخر قطعه هل هي نفس الشي

والا من برا الله الله ومن داخل ازرق


----------------------
يالبيه يالثقه

جعلهم بعد الدوافير اللي كانوا معنا في المدرسه

اذا قلت لأحد منهم غششني يقلب وجهه احمر ويرتبك ويتلخبط كأنك قايل بجلس مع اهلك

شف الناس اللي اخر روقااااااان




--------------------


وا اسفاه على طفولتنا الغير سويه

مايمديك تطلع العصر تلعب الا يدخلك ابوك اذان المغرب

طيب ماشبعت من اللعب ولا عندي مدرسه بكره

صاروا يدخلونا وقت المغرب حتى في ايام العطـل

ليه مايخلونا مثل هالفطافيط نلعب لين الواحد يابس كراعه