اجعلي حمام زوجك حمام الهنا!!!

الملفته · 15-04-2007, 07:01 AM

السلام عليكم ورحمة الله وبركاته

حبيبتي حواء بعطيك فكره خطيره تكسري فيها روتين حمام زوجك وتخليه ما ينساه طول حياته ويزيد حبه لك طبعا ما جبتها من فراغ عن سابق تجربه

اولا : حضري متطلبات الحمام قبله بفتره لانه يحتاج اشياء وماراح تكلفك كثير
الاغراض: - شموع بأشكال والوان حلوه زي قلوب واشجار وحلزونات بس انتبهي لا تجيبيها كبيره عشان ماتسببلك زحمه
- رغوة حمام برائحة يحبها زوجك .
- زيت عطري يحبه زوجك ممكن تخلطي قليل من دهن العود والمسك مع اي زيت عطري بنسب متفاوته
انا صراحه جربت العود وزيت الياسمين من بودي شوب هو للجسم بس انا حطيته في المويا
- تحتاجين مناشف جديدة والوانها بين الاخضر والازرق
- اشكال من الصابون وتكون الوانها بين الاخضر والازرق والابيض
او الالوان اللي تحبيها
طبعا تحتاجي كشااف ببطاريه تحطيه فووق دش الحمام بطريقه يعكس نوره على موية البانيو او المغطس
بعد ما جهزتي كل ذي الاشياء نجي حبيبتي للطريقه

استغلي فترة انشغاله وخذي جواله وحطي رسالة تذكير في اليوم اللي انتي محدداه في بالك انك راح تجهزي له الحمام طبعا وقت التذكير قبل لا يرجع البيت بساعتين
وتذكير بنفس الرساله بعد التنبيه الاول بنص ساعه وكذا الين يوصل عند باب البيت وحددي له انه لو تاخر راح يخسر كل شي بس لا توضحي ايش المفاجأة
جا اليوم المحدد
اولا : اتركي باب الشقه مفتوح اول ما تشوفي السيارةوتكوني مجهزه كل شي
جيبي ورق ملون لونه احمر وقصيه على شكل قلب واكتبي بخطاط فضي من هنا يا قلبي وحطيها عند الباب
وورق ثانيه اكتبي مثلا امشي على طول يا عمري
وثالثه ورابعه ....... طبعا تغيرين كلمات الغزل فيها
الين توصليه عند الحمام
تكوني مجهزه الحمام
البانيو مليان مويا دافية وتحطي العطور والشموع حواليه والكشاف فووق عند الدش لانه يعكس مع البانيو والدش وهو مفتوح المطر والبحر
طبعا كل الاشجار الصغيرة اللي عندك في البيت اذا كانت زينة او طبيعة حطيها في الحمام بشكل يخليه زي المناطق الاستوائية
المناشف حطيها على الارض بشكل الممر انه يمشي عليها الين المغطس
الشموع والصابون حطيها حول المغطس طبعا الاضاءة الوحيده هي الكشاف + الشموع

طبعا ممكن تحطي الشامبو وجل الحمام بين الاشجار انه ياخذهامن بينها

تكوني ياقلبي مجهزه سلة من اللي عندك وافرشيها بدانتيل وحطي منشفتين وحده بيضا مثلا ووحده خضرا من المناشف الصغاار وحطي وسطها المشط والعطر ومزيل العرق ولوشن الجسم اللي يستخدمه وغطيى نص الاغراض زي الهديه والفنادق الخمسة عشر نجمه
بتقولي انا وين رحت انتي ياقمر تكوني مجهزه نفسك ولا تتكلمي بشي غير انك مبتسمه اول ما يجي خليه يمشي على الوراق واول ما يوصل للحمام شيلي ملابسه وانتي فقط مبتسمه حتى لو سالك ابتسمي لا تتكلمي ولا كلمة خليه يتجنن اتوقعي اي كلمة يقولها بيقول انتي مجنونه من اكل لسانك ومن ذا الكلام ماعليك
وبعد ما ينتهي من الحمام تكوني كاتبه له ورقه العشا ياحبي في غرفة الاكل تعال انا استناك
تكوني انتي غيرتي ملابسك واتمكيجتي ومشطي شعرك طبعا حطي بخور وبخري البيت وانتي كمان بخري شعرك وحطي العطور اللي يحبها
وخلي العشا على نور هاديء واضاءة خفيفه تطلعك قمر في عيونه
اول ما يدخل عليك وانتي جالسه تستنيه اول ما تجي عينك في عينه قولي له احبك وابتسمي
راح يحس انك احلى واغلى مجنونه عرفها في حياته

وتهنو ياقلبي

والله يسعدنا واياكم

ملاحظة ___ حواء لا تكثري ولا تبالغي في المكياج عشان في النور الهادي مايشوفك وحش خليكي ناعمه في كل حاجه في لبسك ووجهك حتى في عطرك ...

ملاحظة ثانيه _______ آدم جرب انت تسوي الحركه لزوجتك وهي في بيت اهلها واعملها مفاجاه لها

سامحوني على الاطاله واتمنى اشوف ردودكم لا تزعلوني:( :( :(

تحياتي لكم اختكم الملفته

VIP_JUBAIL · 15-04-2007, 10:41 AM

الملفته

الملفته · 15-04-2007, 10:49 AM

سلامة عينك يسلمو على المرور

روح الجروح · 15-04-2007, 12:38 PM

بجد الملفته انتي مبدعه

مبدعه في افكارك الرائعه

التي تبعث الفرح والسرور

على الزوج

لو كان زعلان بيرضى على طول اول

مايشوف مفاجات الحمام ومايحمله

من تجهيزات تساعد على النشاط والحيويه

وادخال السرور الى النفس

سلمت يمينك ويابخت الا زوجته زي كده

تقبلي مروري

الملفته · 15-04-2007, 02:01 PM

تسلم لي ياعيوني ويابخت الي تاخد واحد زيك يسعدك ربي

حبك مضى · 15-04-2007, 02:58 PM

يسلمووووووووووووو

عهد الحب · 15-04-2007, 11:44 PM

أفكـــــــــــــــار روعة

جزاك الله كل خير ملفتة

أختك ///////// عهد الحب

الملفته · 16-04-2007, 05:55 AM

الرائع مرورك اخوي عهد الحب

ابراهيم هنداوى · 16-04-2007, 01:10 PM

تسلمى ياملقته
بس المهم ان الستات تعمل بنصائحك
ابراهيم