حلو الطبقات يجنن--- مثل الايس كريم --

شخباركم يابنات المميزه


هذا الحلى من جد يجنن وكل ماسويته لازم تنطلب مني الطريقة أو ينطلب مني الطبق مرة ثانيه

أنا خذت الطريقة من منتدى بس ناسية المنتدى يمكن عالم حواء بس الطريقه روعه

وعليه طلب مو طبيعى

المهم ماطول عليكم هذي صورة الحلى




شرايكم بالشخابيط الي فوق الحلى كنت متحمسة وعلى بالي فنانه وأنا أحط الصوص

المهم هذي الطريقة :

أول طبقة:

جيبي كيك شوكلاته أمريكانا وفتتيه .. وحطيه في صينية الي تنفتح من الجوانب وإضغطي بإيدك على الكيك لحد مايصير قطعه وحده ................

ثاني طبقة :

12 حبة بسكوت أولكر مع كرتونين شوكلاتة أولكر السادة الي علبتها حمراء ............

حطيهم بالخلاط وخليهم مفتتين مرة ..بعدين حطيهم على الطبقة الأولى وإضغطي بشكل خفيف على شان تتساوى الطبقة .....

ثالث طبقة :

جيبي كاس ماي و3 ملاعق حليب بودرة ((نيدو)) مع ظرف كريم كراميل ,وحطيهم كلهم على النار وإذا غلوا صبي الخلطة على الطبقة الثانية .. وخليها تبرد يعني ممكن ربع ساعه لحد ماتشوفينها جامده خلاص ..........

الطبقة الرابعه :

حطي بالخلاط / 3 ظرف دريم ويب ............2 ظرف كريم كراميل ...........2 قشطه .......4 حبات جبن كيري .......
وخليهم لحد مايصيرون خليط متجانس تماما ً .,.,.,.,.,وصبي الخلطة على الطبقة الثالثة ,, وساويهم بالملعقة ,,

حطي الحلى بالثلاجة لمدة 6 ساعات ,,, يعني سوي الحلى بالليل ونامي أحسن لإنه كل ماصارت أبرد كل ماصار أحلى مثل الآيس كريم ...........

ولما تطلعينه وهو بارد حطي عليه صوص الشوكلاته من هيرشي ...

وبس ياحلواات ,,, هذي كل السالفه ...

وبالعافيه إن شاء الله