ابتسم انت في الكويت

هاااااااااااااااااااااااااااااااااااي
شلوونكم شباااب و شابااات .. عيااايز و شيااااب ؟؟؟


المهم

أبي آخذكم اليوم في رحلة للإبتسام و الأسباب التي تدعو الكويتي للإبتسام
طبعا الأسباب وااايدة بس أنا اخترت أحلى الأسباب

بس تنويه بسيط قبل ما نبدي ... أنا حطيت الأسباب الشينة لأن (الأسباب الزينة لا تعد و لا تحصى (إي طل

هاااا؟؟؟؟نبديييي؟؟؟؟
أدري إنكم قاعدين تهزوون راسكم و تقووولوون لأ
بس غصبا عليكم أبي أبدي

الرجاء من السادة الركاب ربط أحزمة الأمان و البقاء في أماكنهم (و إلي يبي يروحي الحمام شيسوي ؟؟؟ )

plS all PassEnGers Set iN Ur PlAceS & Don'T MovE

1- إذا دخلت المسنجر الساعة 4 الفير (الفجر)و لقيت كل الربع أون لاين ... ابتسم لأن كل ربعك كويتيين
2-إذا عرفت بأن كل الربع يسهرون لي الساعة 3 و ربع ورا التلفزيون بعدين بس يسمعون أذان الصلاة قاموا ناموا ... ابتسم فكل ربعك أكيييد كويتيين
3- إذا شفت إن البيت فيه 3 خدامات و مربيتين و طباخ و سواق و صبي (مع إن العاءلة الكريمة تتكون من 3 أفراد فقط )...ابتسم فهذه العائلة كويتية
4-إذا احصيت عدد المواطنين و الأجانب لشعب معين(و الله فراغة) و اكتشفت أن عدد الأجانب أكبر من عدد المواطنين ... ابتسم فهذا الشعب هو شعب الكويت
5- إذا لاحظت بأن "القلاصات"(الأكواب) و"الدولكات"(مطارات الجاي)تستخدم كأداة للضرب في مجلس موقر (موقر طل بعينهم)كمجلس الأمة ... ابتسم فهذا المجلس كويتي
6-إذا تحول المثل من "لا تبوق لا تخاف"إلى "بوق و لا تخاف" ...ابتسم فهذا المثل كويتي
7-إذا غسل السايق ( السواق)الشارع و الفريج كله مع إن المفروض يغسل سيارة المع@?__>?@@?__>?@ بس ... ابتسم أنت في الكويت
8-إذا سمعت محاضرة و قال المحاضر : " فأمطرت القيمة" ...ابتسم فهذا المحاضر كويتي ( و طبعا بالقيمة هي الغيمة )
9-إذا قالولك بأن معظم كمية البنزين في بلد معين تصرف غي القز و الفرارة في الشوارع بدون هدف ... ابتسم فهذا بلدي الكويت
10-إذا تم إبلاغك بأن مجلس الأمة مالا خص لا في الأمة و لا مشاكل الأمة و لا أحوال الأمة ... ابتسم فهذا مجلس أمة كويتي
11-إذا كنت طالب و كرفت و درست و تخرجت من الجامعة بنسبة سنعة و آخر شي ما تحصل شغل و تقعد بطالي إلى أجل غير مسمى لأنك بدون واسطة ... ابتسم فأنت طالب كويتي
12-إذا اكتشفت بأن السبب الرئيسي لحوادث المرور هم شرطة المرور ... ابتسم فالشرطة كويتية
13-إذا اكتشفت إن الناس ما يقرون من الجريدة غير صفحة الفنون و الصفحة الأخيرة و الوفيات ( أهم شي الوفيات ... يعني انت تعرفون منو هذووول ؟؟ ) ... ابتسم انت في الكويت
14-إذا لاحظت إن القناة المحلية ما عندهم غير 3 مذيعين من العصر الحجري ... ابتسم فهذا القناة قناة كويتية
15-إذا شفت إن الجمعيات 24 ساعة متروووسة الناس و ماكو مواقف في رمضان ... ابتسم فهذه الجمعية كويتية
16-إذا لاحظت إن اليهال ( الأطفال ) ما يقرقعون مشي لا لا لا يقرقعون بالسيارة موو بس جذي لا و ما يغنون بس يقولون : قرقيعان و قرقيعان ...إلخ ،و يسكتون ...ابتسم فهذا قرقيعان كويتي
17-إذا صادف و مريت عند دورية تمشي عكس السير مو لأنها في وسط مطاردة ساخنة لالالالالا لأن الشرطي يبي يلحق على الفلافل الساخنة في مطعم بدر البدور ... ابتسم انت في الكويت
18-إذا فكرت إنك تاخذ العائلة الكريمة البحر و يوم توصلون و لا منطقة البحر مغلقة لأنها "تحت الإنشاء" (شلون جذي .. ما أدري ؟؟ ) المهم .. ابتسم أنت في الكويت
19-إذا لاحظت بأن إلي يموت في سبيل الوطن ما يعنبر شهيد بس لأن ما عنده جنسية ... ابتسم انت في الكويت
20-إذا قريت إعلان في جريدة الوسيط يقول:"@?__>?@@?__>?@@?__>?@@?__>?@ عمره سنة و نصف للبيع" و الإعلان محطوط في قسم بيع السيارات ... ابتسم فهذا @?__>?@@?__>?@@?__>?@@?__>?@ كويتي يبي يبيع @?__>?@@?__>?@@?__>?@@?__>?@ه
21-إذا احترق بيتك (لا سمح الله ) و اتصلت على المطافي و ما وصلوا إلا بعد ما احترق البيت كله ، و يفتحون تحقيق (طبعا تحقيق خربوطي)عشان يكتشفون مصدر الحريق .. و آخر شي "قضاء و قدر"...ابتسم فهذي مطافي الكويت
22-إذا زرت دوار الجهرا يوم اليمعة(الجمعة)و حسيت إنك في نيودلهي مو الكويت ... لا تخاف و ابتسم فأنت بكل تأكيد في الكويت
23-إذا وصلت لي هذي النقطة و انت مو فاهم شي ... ابتسم فأنت لا تعيش في الكويت
24- إذا إنغثيت من هالايميل ... ابتسم فهو من صنع مواطن (كويتي (ألا و هو أنا ..احم احم

أخييييييييييييييييرا
وصلنا بالسلااامة و آسف لأن حذيت من وقتكم الغالي و غثيتكم معاااي

FiNaLLy
we ArrIvEd & SoRrY 4 SteelIng FroM Ur 6ImE


قبل ما أمشي
عطووووني ابتسااامة تشق الحلج (ابتسامة الوداااع) و لا تنسوون تردون على وتعطوني رااايكم

B4 leAviNg
PLZ GiVe Me A Big SmiLe & Don't 4Get 2 SenD Ur oPiNiOn



مع تحيااااااااااااااااااااتي


طلال@@@