عشرين فكرة جديدة تنفذيها في (ساعة الحب) مع زوجك

عشرين فكرة جديدة تنفذيها في (ساعة الحب) مع زوجك
أفكااااااار تســـــــــعدين بها حيـــــــــــــــاتك الزوجية إن شاء الله:...............
اختاري الفكرة الي تناسب امكااانياتك + طبع زوجك ......ونفذيها فوقت مناسب
1- فكرة تصوير الحفلة
جهزي: كاميرا تصوير + هدية
إذا أردت ان تجهزي حفلة لزوجك او صديقتك بامكانك تصويرها مسبقا ...والمشاهد هي:
صوري اطفالك وهم يلعبوا واساليهم ليش تحبوا بابا؟ ..صوري أمه وأخواته وأبوه وهم يجابوا على نفس السؤال ( ايش أحسن صفات فلان ) الي هو زوجك .....
صوري هداياه الي جابهم لك ...خلي أطفالك يمسكوا كل واحد هدية ويجيبوا هداياه لهم بعد
ويقولوا: شكرا بابا ..أنت دايما تجيب لنا هدايا
وأخيرا...صفي أولادك قدام طاولة كلها شموع مطفية وخليهم يقولوا( بحفلتك يابابا كل شيء غير ..ما رح نطفي الشموع ...معك رح نضويها) وخليهم يشعلوا الشموع ويجي واحد منهم قرب الكاميرا ويقول ( ماما جابت لك هدية وخبتها في الغرفة رح ندور عليها ) طبعا تكوني مدريتنهم على كل هذا و خليهم يمثلوا انهم يدوروا الهدية وبعدها واحد يلقاها ويفتحها .
هنا يخلص التصوير.
تعالي في يوم واعزمي أهل زوجك واعملي عشا بسيط وشغلي الشريط ..تقدري توصلي الكاميرا بالتلفزيون
وكلكم تشاهدوا الحفلة المصورة والكل عارف ما عدا زوجك متفاجيء وفرحااااان ورقبته طولت قدام أهله
ولما يخلص الفلم على فتح الهدية انتي تكوني مجهزتنها وتفتحيها وتقدميها له قدامهم
بعدها لا تنسي تدعي لي وااااايد لأنه زوجك ما رح ينسا لك أنك قدرتيه قدام الجميع
ممكن الفكرة تنعمل لصديقتك.....ممكن تصوري بالتلفون اذا ما عندك كاميرا.ممكن تضيفي حركات في التصوير...........
صدقوني رح تلقوا أثرها فورااااااااا
تنفع أيضا كاعتذار اذا غلطي على زوجك قدام حد
2- فكرة ( ابحث عن الهدية )
اشتري : عطر + ثوب جديد + غترة .....حطي وحده بالدرج والثانية بالدولاب والثالثة عند الحنفية ( العطر )
كوني انتي متجهزة على سنجة عشرة ولما يجي قولي له افتح الدرج .ولا تروحي معاه الغرفة
هو بيفتح الدرج بيلقى الغترة الي جنبها ورقة مكتوب عليها ( افتح الدولاب ) بيفتح الدولاب وبيلقى الثوب الي جنبه ورقة مكتةب عليها ( روح للحنفية ) ...عند العطر حطي ورقة مكتوب عليها ( هذا تعبير بسيط عن حبي لك ....أرجو أنك تلبس الثوب والغترة وتتعطر بالعطر وتجي الصالة بتلقاني بانتظارك
كوني في الصالة مجهزة عشا أو عصير .......... ولاقيه بباتسامه .....هو طبعا بيكون متشجج من الفرحة
3- اشتري باقة ورد صناعية وفازة ...ولا تحطي الورد فيها .خبري زوجك إنه كل ما فرحك باتحطي وردة في الفازة وأنك متأكدة أنه الباقة باتكتمل بأسرع وقت.........
كوني مرنة..على أي تصرف بسيط حطي وردة عشان تشجعيه .ولما يطلع ويرجع حطي وردة واذا سأل ليش؟ قولي : لأني أحبك هذا شي يفرحني..........طبعا بيطير من الفرح وبيحرص على أنه يكمل الباقة بأسرع وقت
4- جيبي ورقة بيضاء وقصصيها مربعات صغار وأبدي لمدة شهر كل يوم اذا فرحك فحاجة أو جاب لك هدية اكتبي السبب الي فرحك منه واكتبي تاريخه ....وبعد شهر عطيه الاوراق يقراهن وقولي له أنك رح تطبقي هذا الشيء الشهر القادم.........وشوفيه كيف بيتعدل لك عشان يزيد من كروت نجاحه
5- اشتري عشرين هدية بسييييطة ومب غالية وحطيهم باصندوق وكل وحدة مغلفة ....رح تعجبه الحركة
6- جيبي عشر ساعات وغلفي صندوقهن ولما يفتح قولي له اختار وبعدها رجعي الباقي للمحل
7- اشتري هدية لأمه و هدايا بسيطة لاخواته و اعطيهن الهدايا على انهن من زوجك وبعدها خبريه باتصرفك ..باتكبري فانظره واااايد
8- روحي المحل الي يطبعون في الصور في الاكواب والقمصان .. اطبعي صورته فكوبين لك وله
9- جيبي ورود صناعية من الي يعلقوهن في الزوايا ويدلن ...علقيهن فالسقف فوق السرير بحيث انهن
ينزلن بشكل حلو....فهمتي؟ الوحدة يكون طولها متر ...ممكن تعلقيهن فسقف الغرفة يطلع الشكل كانه حديقة
كتغير يساعد على ايجاد جو رومانسي( اطلعي بالسلم أو جيبي اخوك يساعدك )
10-جيبي أصيص ( علبة من الجير يزرعوا فيها ) من المشتل واشتري بذور واغرسي البذور على شكل اسمه أو أول حرف من اسمه ولما تطلع بعد اسبوعين قولي له اسقيها ..عشان يكتشف بانفسه
10- جيبي ورقة بيضاء وقلم واعطيه لزوجك وامسكي ايده الي بيها القلم واكتبي ( أنا فخورة بك )
11- سجلي فشريط أو فتلفونك أو فمسجل الكمبيوتر كلمات حلوة أوقصيدة من أي كتاب وخليه يسمعها
12- اشتري دبدوب صغير واربطي الخاتم الهدية بشريط وثبتيها باذن الدبدوب أو ساعة حطيها على ايد الدبدوب وغلفيه وقدميه لأبو الشباب
13- فكرة مستوحاة من حبل الغسيل..........ايوا ضحكي بس اقري وباتفرحي
جيبي سلك وعلقيه بنص الغرفة و ثبتي عليه بمشابك الغسيل أوراق مكتوب فيها أحسن صفاته أو رسائل حب منك له أو شعر.......وبآخر السلك شريط أحمر طوييييييل طرفه في السلك وطرفه الثاني في الارض مربط بيه هدية حلوة.......جيبي زوجك العزيز عليك جدا مربوط العينين وقولي له سبراااايس فتح عينك وخليه يمر على الاوراق وانتي ماسكه ايده وسااااكته .عشان تكون اللحظة رومانسية ولا تطلبي تعليق عليها اذا ما علق هو لما يوصل للهدية بيشكرك ....لا تخافي
14- فكرة الجريدة :
ركزي معي شوي...جيبي صورة زوجك وصورة ليك أو لأولادك.... تعالي عند صفحة جريدة مثلا الصفحة الخامسة وعند عمود من الاعمدة قصي الورقة بمقاسه ولصقيها عليه واكتبي بخطك أو تكوني كاتبة بالكمبيوتر
( خبر عاجل ::: لقد تمت سرقة قلب إحدى النساء الخليجيات وما زال البحث جاااري حتى الساعة ولقد أثبتت التحقيقات أن المتهم الأول هو زوجها فلان الفلاني والذي استطاع بمعاملته الطيبة وقلبه الكبير أن يستولي على قلبها الرقيق..........)
وحطي صورة زجك فزاوية معينة من الصفحة واكتبي تعليق تدري يا القلب الحنون أنته بالنسبالي ايه ؟)
وحطي صورتك وتعليق كاروكتوري عليها ( سأكون معك أمنحك حبي وحياتي )
لصقي هذه الامور زيييين و يا ريت تلصقي الصفحة كلها بجلاد شفاف هذا الي يجلدوا به كتب المدارس
الان محتاجين ذكاااائك يا عزيزتي .....جيبي الجريدة وانتي متبخرة ومتعطرة عدل وجلسي يمه وقولي: فيه خبر عاجل ابيك تقراه ..خليه يفتحها صفحة صفحة وهو بنفسه بيشوف المفاجأة ...صدقيني بيفرح كثييييييير
بس اذا ما علق لا تنصدمي ....هذا طبعهم ما يحبوا يعلقوا عكسنا تماما....حطي الجريدة على صوب وقولي له
اتمنى اني انشر هذه الصفحة عشان كل حد يقراها.أدري انك الحين سعيد .أقدر اعرف هذا الشي من عيونك
15- هاتي عشر أوراق حلوة ....هاتي ابيات شعر أو خواطر .والنت متروس ..افتحي موقع مئة قصيدة للحب
المهم اكتبي فكل ورقة بيتين أو ثلاثة .......جمل حلوة من تاليفك....المهم لا تكثري.....اربطي كل ورقة بشريط أحمر.....لما بيطلع زوجك الصبح وانتي تودعيه للعمل اعطيه ورقة من الي جهزتيهم وقولي له اقراها وانت بالسيارة.يعني ما يقراها قدامك.....لما يرجع لا تناقشيه فيها اذا هو ما سأل...هم يعجبهم هذي الطريقة في التعامل
فعاملي زوجك كما يريد وليس كما تريدين بعدها بيلتفت لك وبيراعيكي.....
استمري تعطيه الاوراق كل يوم اربعة ايام .وفي اليوم الخامس لا تعطيه الا اذا سألك: ما فيه رسالة حب اليوم؟ هنا عاد قولي فيه يا قلبي بس حبيت اتأكد انه الكلام كان يعجبك...وطيري للدرج واجيبي له وحده
واذا ما سأل لا تناقشيه لا تخلي بصلتك محروقة صدقيني حتى لو مر شهر بعد الاربعة ايام وانتي ما عطيتيه رح يسألك عنها بس انتي لا تستعجلي.