ياوجودي ، للشاعر المتفوق على حدود الإعتياديه دائماً (( ضيدان بن قضعان))..
.
.
.
يا وجودي كل ما هب نسناس الشمـــــــــــال..

وجد من حدَّه زمانه على اللي ما يبيـــــــــــــه..


و يا وجودي كل ما اضحيت ثم مال الظـــــــلال..

لاغفت عيني و لا ذقت شيٍ مشتهــــــــــيه..


وجد من قفَّى و هو في رجاء كلمة تعــــــــال..

و التفت من عقب ما أقفى و لا أحدٍ لدْ فـــيه..


و ياعذابي لا دنا الليل من روس الجبـــــــــال..

و انقضى يوم من العمر ماعاد ارتجــــــــــيه..


و انتي ابعد من سماء الحلم و وصالك محال..

يابعد من هل دمعي ضحى الفرقى علـــيه..


ياغناتي لا تحسبين دمعي يوم ســــــــــال..

ضعف و الا خوف و الا كذا و الا كذيـــــــــــه..


و الله اني من رجالٍ يضدُّون الرجــــــــــــــال..

لكن الحظ الردي ساق دمعي كل أبــــــــيه..


و الله اني كل مادار حواليك الجـــــــــــــدال..

قمت كن الموت يأشِّرْ على قبري بيديـــــه..


و الله ان قد لي و انا اصد لا جالك مجــــــال..

صدة اللي لا تضايق تذكَّر قبر اخــــــــــــيه..


و من سألني قلت مدري و اذا عاد السؤال..

قلت له تكفى سؤالك ترى ما هو وجـــــيه..


و ش تبيني اقول عن من ترى ذبحي حلال..

و الخطاء منها عليْ صرت احبه و اهتويـــه..


عذرها لو ماتعذَّر مثل و اضرب مثــــــــــال..

و احدٍ ما يعرف الحر الاشقر يشتويـــــــه..


و ان رجعنا للتواصيف لله الكـــــــــــــــمال..

لأ نتهى ليل المزايين جاتك تبتديــــــــــــه..


كنَّها غفلٍ مع البدو طاويها الحــــــــــــــيال..

ما يميز وصفها الا نبيهٍ من نبــــــــــــــــيه..


و اهني اللي وصلها و ذاق من الـــــــزلال..

رشفةٍ مع غفلة الناس من فِيها بفِــــــــيه..


و عزتي للي سواتي عشق ما لا يطـــــال..

و يوم طاله ضيَّع الحلم بين أمه و أبــــــــيه..


يأول أحلام الطفوله على حد الخيـــــــــال..

الرجا باللي حمى البيت من حملة بريـــــه..


حال دونك سيف عنتر و تاسع حول حــــال..

بأثر حولٍ حال دونك و انا أدْعي هيه هـــيه..


هيه ياللي غرِّك الحسن و اطغاك الجمــال..

و الله ان اموت ما شفت لأوصافك شبـــيه..


لو يِسَام الحسن و التيه بجنيه و ريــــــــال..

ما بقى في سوق غيرك ريال و لا جنـــــيه..


كيف أهدِّكْ للمقادير و انتي راس مــــــــال..

راس مال و مال و المال ما يعطى السفيه..


حافظك حفظي لعيني و رمشي لك إجلال..

و انتي إتْشحِّين بالماء و انا شفي مُوَيـــــه..


شايفٍ ظلمك و ساكت و طال الليل طـــــال..

لا تركتي طعن قلبي و انا ما قلت لـــــــــيه..


لو بقى للهيل صبرٍ على فوح الــــــــــــدلال..

ما بقى للقلب صبرٍ على شيٍ يجــــــــــيه..


كنت احسب ان الغلا زال و أثره لا يــــــــزال..

في الحشى ما كنَّه الا دخيلٍ في الوجـــــيه..


ساقني حبك على الموت و سنيني هــزال..

و الظروف اقسى من الظلم للعرض النـــزيه..


و انتي تسوقين عقلي على حد الهبــــــــال..

تحسبين ان من بغى شي يقدر يشـــــــتريه..


و الا انا ياوجد حالي وجودٍ ما يقـــــــــــــــــال..

وجد من ضحَّى بغاليه لإرضى والديــــــــــــه..


و يا وجودي يأول العمر قبل ألبس عقـــــــال..

وجد من باع آخر العمر في رغبة ذويــــــــــه..


ويا وجودي كل ماهب صوتك من شمــــــــال..

وجد من حده زمانه على اللي ما يبــــــــــيه..
.
.
.
ضيدان بن قضعان..

رابط الاستماع ,,
http://www.movn.net/thedan_bn_qth3an/ya_wjody.ram

مااااااااااااااااااااااروعك مشتشار

كلمات رائعه بل قمة الروعه والجمال

الله يعطيك الف عافيه

تحياتي

تسلم اناملك ع الانتقاء الجميل

للشاعر ضيدان

الله يعطيك العافيه

يعطيك العافية
تقبل مروري

ماعليها كلام

يعطيك الف عافيه روعه

رووعه
يعطيك الف عافيه

روووووووووعه

تسلم اناملك اخوي مستشااااااااار

وصح لسان شاعرنا المبدع دوما ضيدااااااااان

ربي يعطيك الف عافيه

تقبل مروري :

ولية العهد