مسجات هواش (بالعربي قويه)....
السلام عليكم ورحمة الله وبركاته
**
ان جيت من غرب انا لاروح من شرقا
لابارك الله في درب فيك يجمعني
وياللي على فراقه عيوني غدت غرقا
كلي من اقصاي في حبك مغرقني
واللي طحا الارض وخلا هالسماء
زرقا لعلمك كيف تندم يوم تهجرني
***
مثلك مثل غيرك مع الغير قد راح
الله واكبر من متى صارت جروح
ماني بنا الي يلتي منك اجراح
ابشر وخل الحسن ينبت معك روح
خلك تعيش الجرح واعيش با افراح
وان كان ودك بهوانا وتبوح
سو ماطرى لك مابقى شي ماراح
كنت الوحيد الي تغنى به الروح
كنت الوحيد الي له القلب يرتاح
ماضنتي عيينن على مثلك تنوح
حبك مثل هم على القلب وانزاح
مع السلامه وابتعد وانت مسموح
عيش بحياتك في هوى الغير مرتاح
***
لاصد عنك من توده وجفاك خله وجازه بالجفا مثل صده
خلك عزيز النفس والعز ماواك(وكلن عطه تفصيل ثوبه بقده)
((خص الرفيق اللي اذا جيت حياك وان غبت عنه يوصلك بالموده))
***
وفر كلامك ورني عرض الاكتاف
قلبي كره هرجك ولا هوب مجبور
ترى القلوب بطبعها شي شفاف
الكسر فيها صعب تلقى له جبور
ولا تحسب اني من الهجر بخاف
ياشيخ خذ حبك وقلبك ومشكور
***
لو تعتذر ولو تحتضر كل الاطلال
قلب يحبك تحت رجلي وطيته
انا نسيتك مابها شك وجدال
والي جفاني بالموده جفيته
وكانك تضايقت من برودي والاهمال
وش موقفك لاقلت اسمك نسيـــــــته
***
ابشرك جرحك ثمن غلطتي فيك
ولا انت ما تجبر على حبك انسان
اليوم لا بشكي ولا بندم ابكيك
فعلك مضارع بس حبك خبر كان
انا اشهد انك كنت بارع وفنان
حطمت من يهواك دايم ويغليك
***
يقطع ابو الحاجه الى قربتني لك
ما انت من ثوبي ولاني من ثوبك
لاشك حضي الردي خلاني اجيك
والا انت منت بكفو تكون محبوبي
***
العيشه ابرك لي ترى بلياك ومن دونك
والحين عشت الفرق وحالي والله فله
مجنون انا ارجع لحكم فرعونك
مجنون انا ارجع ازيد طيني بله
انا على قول المثل خلك على مجنونك
لايجيك اجن منه ويزود علتك عله
***
والله لو تبعد فلاهمني رضاك
واسمع كلامي زين دام انت هادي
ماكنت شي وشلون ازعل لفرقاك
عادي وجودك كان .. وان رحت عادي
جايز اكون اول تعاطفت وياك
لكن فبالي كان تركك وكادي
لاتنفعل لاتثور لاتبرر خطاك
ماينفع الغرقان مــد الايادي
***
حسبت البدر نوره دوم ..
ونورك دايم دوام ...
وعرفت ان البدر مثلك ..
ظلام وكوكب طافي ...
***
والله لاخلي عزتك تحت ماطاي
تمشي وعينك ماتعدى مواطيك
ابيك درس لكل خاين ونساي
واعلمك قدرك وقيمه مباديك
والله لا هينك لين تبكي لرضاي
ذليل تكسر خاطر منهو يراعيك
***
لو تباعدنا غدا الكون الكبير
شارع مظلم وتبكيه البيوت
جائز الوضع من بعدك خطير
وجائز إن الهم في صدري يفوت
بس شي واحد محال إنه يصير
ما أذل النفس لجلك لو تموت
***
لو وضعتك فلعيون ...ناكر ولازم تخون ...
شايف حالك عليّ ..تحسب انك من تكون...
ابعد ومن بعد الجفا ...لا بد تعرف من اكون ...
***
شيلي من راسك حكايه ترجعي مابقالك في فؤادي متسع انت جرح كان في طرف اصبعي
وابصراحه ماأذكر في اي صبع
***
شفت الأذى منك ومن دون تقصير
زدت الجروح اللي سببها حناني
النفس طابت ما تبي منك تفسير
لا تحسب اني ارتجي من نساني
ما جيت ابي منك محبه وتقدير
حتى ولو دمعك وقلبك دعاني
أبشرك قلبي من غيابك بخير
رغم الجروح اللي بكتها الأماني
***
حالي بعدكم حال من يطرد الثار
لأخوه .. واللي قاتل أخوه عمه
ابوه قال النار ماتطفي النار
وامه تقول اخوك لا يضيع دمه
زود على همه من الوضع محتار
يتبع رضى ابوه والا رضى أمه !!
***
لا تنصدم اذا قلت انا اليوم مـا أبيك
القلب عافك و انتهى اليوم دورك
اعميتني بحبك عسى الله يعميك
ورميتني يا شين بـ أعمق بحورك
يالله توكل لا تجيني و لا أجيك
يـالله حبيب أمك قوم رتب امورك
***
علم غرورك عزتي مالها حد
ولي وجه غير الود مابي تشوفه !
ايام صدك عدها لاخر العد
ونشوف انا والا انت يلقى الحسوفة !
***
جيتني من بعد ما مات الأمل
تنتظر مني بعد أعطف وألين
أبتعد ما عاد أقدر أحتمل
طعم ظلمك بي وأنا مخلص أمين
لا بقى رجوى ولا طالب وصل
اختلفت ولا بقى عندي حنين
ما أحبك ما أكرهك وإنت البطل
صرت قاتلني بسيفك مرتين
***
قصدك إني اتنازل لك وأجيك
وانحني من عقب ما قلت الوادع
مثل ما إنت ماتبيني ما أبيك
المحبة مابها غش وخداع
روح دور لك على غيري شريك
وارتحل بالهم في دنيا الضياع
***
يا قلب لا تشره اذا الناس عافوك
لا تشتكي وتقول محد(ن) بغاني
وش ترتجي منهم اذا هم تناسوك
وش ترتجي من كل قلب أناني
أغتالوا آمالك وبالحيل ذلوك
وتصرخ تبي ما فات يرجع ثواني
***
لاتتأسف .. مــا أبي منك اعتذار
أبيك ترد أيام عمري مثل ماضيعتها
أبي أرجع مثل ماكنت(فلانه) شمعة الدار
اللي من عرفتك ( إنت ) انطفى نورها
وأبيك تسدد ديون(ن) غدت فرقبتك كثار
وماظنك لوقضيت العمر كله تحت رجلي بتسدها
***
حاولت في قلبي يردك وعيا
((عــــــــــافك))
ولا لي حلية(ن) فيه لا عاف
***
مخلوق من طين
يرا الناس من طين
من قال
ياهذا !!
اناديه
ياهيـه
***
:eek:
17-08-2007, 02:17 PM
المواضيع المتشابهه
خخخخخخخخخخخخخخخخ 
العرض العادي
