عن المراه جميل اوى اوى اوى اوى ..............

--------------------------------------------------------------------------------

بسم الله الرحمن الرحيم

بسم الله الرحمن الرحيم
انا شوفت الموضوع ده في احدي المواقع بس موضوع جميل جدا اقرأ قول رأيك

المرأة ,,, هي أجمل وأرق شيئ في الكون ,,

المرأة ,,, هي الحب ,,, هي الحنان ,,,
المرأة ,,, هي الأمل ,,, هي الطموح ,,,
المرأة ,,, هي الشموخ ,,, هي الكرامة ,,,
المرأة ,,, هي القدرة ,,, هي التحمل ,,,


الجنة تحت قدم أمرأة ,,,
وبالدنيا جنة إذا بها أمرأة ,,,
وأسباب الجنة أربعه ,,,
أمي ,,, ولحظة ما تخدني في حضنها
أختي ,,, محتجاني أمسح دمعها
بنتي ,,, ولما بصلي بتركب ظهري
زوجتي ,,, وحياتى منغيرها ,,, "سلطة"

المرأة ,,, سميناها "ست " ,,, حد يعرف ليه ؟؟؟
الست ,,, "هي من ملأت عليك جهاتك الست"
هي الشيئ الذي سمحت له أن يحتويك ,,, ويمتلكك
عن يمينك ويسارك ,,, من أمامك وخلفك ,,, ومن فوقك ومن تحتك ,,, وهي قادرة على ذلك ,,,

المرأة ,,, هي ذلك المخلوق الذي كرمة الله ,,, واستعظم مكره
فبرأيك أيهما أكرم ,,, المرأة أم الرجل ؟؟
كرم الله الرجال بأن جعل منهم الأنبياء ,,,
وكرم النساء ,,, بأن جعل منهن ,,, أمهات الأنبياء
في نبي من غير أب ,,, سيدنا عيسي عليه السلام
بس هل في نبي من غير أم ؟؟؟
طيب أيهما أكرم ,,, أنت أم أمك ؟؟

وعلشان أحنا عرب ,, فينا حاجة أسمها النخوة ,,, اللي هي في الأصل خوف على المرأة ,,, أعتراف بمكانتها ,,, وأحتراماً لها ,,, وطبعاً أنت تدايق أوي لو حد قالك أنك معندكش نخوة ,,, أو أنك مش راجل ,,, مع أن كينونة رجولتك في أحترامك للنساء

كريم العراقي في قصيدة غناها كاظم الساهر قال ,,
" نحن شعب أرضنا أم نلبي ما تشاء ,,, ولها نقف أحتراماً ,,, نحن نحترم النساء "
للناس اللي مبتحبش الشعر ,,, تعالى نفسرها واحدة واحدة ,,,
الراجل بيقول أن أحنا كعرب بنلبي رغبات أرضنا ,,, ليه ؟؟
لأن أرضنا في مكانة الأم ,,, !!
وطبعاً كلنا بنلبي أحتياجات أمهاتنا ,,, ليه ؟؟؟
لأن أمهاتنا في الأصل نساء ,,, ونحن قوم نحترم النساء !!!
يااااااااااااااااااااة ,, إية الكلام الكبير أوي دة ,,؟
يعني كمان وطنيتك وحبك لأرضك أصله أحترامك لأمك ,,, وأصل أحترامك لأمك لأنها أمرأة ,,,

النساء ,,, هن من قلبن موازين الطبيعة ,, فكان ضعفهن القوة ,,,
النساء ,,, هن من جعل الله سورة بإسمهن ,,, تكريماً لهن ,,, "سورة النساء" ,,, ومفيش صورة أسمها الرجال ,,, !!

وكمان التغيير الوحيد في أصل اللغة العربية في القرآن الكريم كان علشان أمرأة
ربنا لما قال "قَالَ كَذَلِكِ قَالَ رَبُّكِ هُوَ عَلَيَّ هَيِّنٌ" كسرة الكاف في كلمة مبنية من أجل سيدة ,,, تكريماً لها ,,,
النساء ... آخر ما وصي عليه رسول الله لما قال في خطبة الوداع (اسْتَوْصُوا بِالنِّسَاءِ خَيْرًا )
وخد بالك "أستوصوا" فعل أمر ,, من مين ؟؟
من سيدنا محمد ,,, ومن آخر وصاياه ,,, ودة دليل على أهمية الأمر ,,, ومش بس بيوصيك عليهم ,, لاء دة كمان بيأمرك أن توصي من بعدك ,,,
النساء ,,, أحب شيئ لرسول الله وذكر في حديثه (حُبِّبَ إِلَيَّ مِنْ الدُّنْيَا النِّسَاءُ وَالطِّيبُ وَجُعِلَ‏‏ قُرَّةُ ‏‏عَيْنِي فِي الصَّلَاة)
يعني مش كفاية تحبهم ,, لأن رسول الله حبهم ,,, ؟
والسيدة عائشة رضي الله عنها قالت (رفقاً بالقوارير ) ,,, والقوارير هنا هي النساء مش الأوعية يعني ,, هما صحيح بيندلئوا زي بعض ,, بس مش كفاية أمر أم المؤمنين ؟
ولو مش مكفيك أمر الرسول ولا أمر أم المؤمنين ولا تحب أنك تحب ما أحب الحبيب ,,,

مش عايز تدخل الجنة ,,, أنت مسمعتش الحديث دة ( ‏مَنْ كَانَ لَهُ ثَلَاثُ بَنَاتٍ أَوْ ثَلَاثُ أَخَوَاتٍ أَوْابْنَتَانِ أَوْأُخْتَانِ فَأَحْسَنَ صُحْبَتَهُنَّ وَاتَّقَى اللَّهَ فِيهِنَّ فَلَهُ الْجَنَّةُ )

طيب نفهم من كدة إية ,,؟

أن وجود النساء في حياتك وحسن معملتهم مش بس بيحافظ على رجولتك ولا بيعكس وطنيتك ,,, ولا كمان بتكفلك حياة كريمة سعيدة ,,, دية كمان طاعة لربك وأسهل طريق للجنة ,,, لأن لو المرأة أمك طاعتها تدخلك الجنة ,, ولو هي أختك أو بنتك برضه حسن معاملتهم طريقك للجنة ,, ولو زوجتك ورفقت بيها أطعت الرسول وطبعاً ليك الجنة ,,,

وبعدين يا أخي دة القانون بيمنع دبح الأناث ,,,

ومن أصول التعامل الراقي تقديم النساء ,,, وكمان بنقول Ladies and Gentlemen يعني الستات الأول وبالعربي سيداتي آنساتي سادتي برضة الستات الأول ,,,

يعني أخلي حياتي كلها أحترام للنساء وحب وحنان ,,, طيب ما هم كدة هيزهقوا ومش بعيد يتبتروا كمان ,,, !!!!

أنت تعرف أن في بحث علمي أثبت فيه أن المرأة تحتاج إلى 14 لمسة حنان في اليوم ,,, !!! يا ليلة عواطف ,,, !!

لاء دية حقيقة ,,, ومش لازم تكون اللمسة بالمعني المقصود ,,, يعني أي كلمة حلوة تعتبر لمسة حنان ,, وأي تقدير لعمل يعتبر لمسة حنان ,,, وحتى نظرة قلق أو خوف عليهم هي لمسة حنان ,, بس المهم متقلش عن 14 لمسة في اليوم ,,,

وبعدبن فيها إية لما مراتك تتبتر عليك ولا لما تتنرفز أو حتى تزعق شوية ,,, يا أخي دة كان في واحد راح لسيدنا عمر بن الخطاب يشتكيله أن مراته بتعلي صوتها عليه ,, وأول لما وقف عند الباب سمع صوت زوجة سيدنا عمر عالي ,, فمشي محرج من الموقف ,, وفي نفس الوقت فتح سيدنا عمر الباب وشاف الراجل فلما سألة أنت كنت عايز إية قاله أنا كنت جي أشتكي أن مراتي بتعلى صوتها عليا ولقيت أن أنت نفسك مراتك بتعلي صوتها عليك ,,, رد عليه وقالوا وفيها إية لما تعلي صوتها ,, دية الست مستحملاني وخدماني وبتطبخلي وبتنضفلي هدومي مش من أبسط حقوقها أني أستحملها وقت نرفزتها ,,, وخدوا بالكم ياجماعة دة سيدنا عمر بن الخطاب اللي كان مشهور بالشدة والحزم ,,, تيجي إية بقى أنت جنبه