السلام عليكم ورحمة الله وبركــــاته





هلا وغلا بسكان وسواح جزيرة المميزه

كيفكوووا...

.................................

ياناااس فهوموني وش معنى الحوووب عندكم
انا عندي مفهوم له ما ادري اذا كان صح ولا حقكم هو الصح
معلومــه : حب الوطن وحب البيت وحب الاسره وحب مزرعة
جدك جنبها على جنب لان هذا حووب طبيعي محمدين ما يتناقشون فيه
<< واذا تناقشوا فيه عوضين
انا جيت اتكلم عن الحب اللي بين البنت والولد
الحب اللي يكون بين نفرين لا نفر ثالث بينهما
زمان على ايام قيس وليلى وعنتر وعبله وشخيبر ونهله
كانو اذا حبو ما غير يغثون خلق الله باشعارهم
وكل واحد يتعلق بالثاني تعلق مهوب صاحي
وتضحيه بلاوي متلتله
بس نهاية الحب عندهم كانت ثلاثه اشياء
الموت : اذا لعب القدر دووره
الجنون : اذا الاهل رفضو ان حبهم يجتمع في بيت واحد
الزواج : اذا ضحك لهم القدر ورقص في زواجهم الاهل
وانا من هوون جبت مفهومي للحب
تعرفي للحب : كلمه حلوه تحمل كل معاني العطاء والتضحية واثاروالبذل وتقديم المحبوب على النفس

نجيء لمفهوم الحب للشباب اليوم ...
حبيني واحبك واعشقيني واعشقك وفي النهاية كل يشوف دربه
وهذا مثال عليه
يرقمها في احد الاسواق او البحر
والهبله تاخذ رقمـــة ... تعطيه رنه ولا بالاصح كول مي
مو مسالة ما عندها رصيد بس تقول في نفسها وشوله الخساره
والدلخ يشوف الرقم الغريب ويا فرحته يتشقق من الوانسه ويدق
ومن اول مكالمه بدت قصة معاناتهم مع الحب
وبعدين ياهووو ذاك الحب اللي يقطع قلوب البعارين
واحبك وتحبني وانواع الاغاني الرومنصيه
ويكلمها طوول الليل في عتاب وكلام احباب
وهالخروف الرصيد ماشيء عليه هذا اذا ما كان يشحن جوال البنت
المهم ويكونون ع هالحال يمكن سنه سنتين على حسب الحووب
وعلى حسب الرصيد وعلى حسب كمية شحنه للبنت
بس يكونون متفقين على شيء واحــد اكيد
(( احبك وتحبيني ... وبعدها كلن يشوف طريقه ))
لعنبو من علمكم الحب
وهذي الظاهره ياكثرها في المعهد وفي المدرسه والجامعه وكل مكان
في وحده الله يستر عليها اعرفها تحب واحد ويكلمها
واذا ما كلمها خلاص تجيها حالة انهيار
وبعدها بفتره جات قالت يا مضيعه باركي لي تراني ملكت
قلت مين اللي يحبك قال وش فيك انتي مريضه
هذاك حووب وهذا زواج وش دخلهم في بعض
انصدمت وقتها... بجد لعنبو من علمكم الحب
قالت الحب احاسيس ومشاعر وحنان والزواج تكوين اسرهـ
وحنا متفقين على كذا من البدايه انه اذا جاني نصيب راح اتركه

وبما ان لكل حب نهايه ونهاية هذا الحب اكيد انهم يتركون بعض
وكأن اللي جرى ماكان
واذا شذ عن هالقاعده يصير نهايته زواج بس ينتهي بطلاق


لعنبوا من علمكم الحب
انا اللي قاهرني ان بينهم مشاعر حقيقيه
بكاء ودموع ومشاعر فياضه
وفجاءه اذا تقدم لها واحد تنسى وينساها بكل بساطه
هذا اذا فيهم خير وما يبون يخدعون اللي جاء يخطبها
وبعضهم يكون متزوجات وعادي عندها حبيب
يعني لهذي الدرجه وصلت كلمة الحب لهدناءه
صراحه ما الوم اهلنا اذا ربونا ان الحب جريمه لا تغتفر

ليه مفهـــــــــــوم الحب تغير
لـــــــيه صار اللي يتزوج عن حب شخص ماعندهـ شرقيه
مع ان اللي سبقونا كانت شرقيتهم ازود من شرقيتنا
ليه تغيرت صورة الحب من ذاك الطهر لذي الدناءه
وليــــــــــــــــه
وليـــــــــــــــــه
وليــــــــــــــــــه
وألـــــــــف ليـــــــــــــــه


تحياتي

والله موضوع بجد في الصميم
وصدقتي بكل كلمه
بس في من فيهم الخير
بس نادرا
بس في شباب عندهم نظام اسمه
احبك ايوه اتزوجك لا
ماخذ بباله فكره اني حبيتك وكلمتك اكيد تكلمين غير 10
وللاسف في بنات وربي مالهم في هذا الطريق هي غلطه وحده وبس
هو وبس
لكن مين يفهم
ويوم انه مو كفو حتى يصونها اللين اخر عمرها
ليه يعلق بنت الناس فيه مدري

وانا مثلك بقول ليه ليه ليه
وياليت في من يجاوب علي

مشكوره على الموضوع

هذا كلام فاضي

أحسن حب في الدنيا هو الحب اللي تنتج

عنه أسره سعيده مفيده للمجتمع

مو حب واحد على النت ولا وحده على النت

هاي حب فاشل واخرته أما فضيحه

أو لقطاء أو سجن

أحسن حب هو الحب الشريف

اللي يوظف الحب فقط في اشباع غرائزه الآدميه

فهو بالتأكيد انسان فاشل

نسأل الله أن يهدي كل ضال

شكرا لك رائد

دائما تطرح مواضيع مفيده

هههههههههههههه

واللهي هذا الحب الي على كيفهم

أصلن في هذي الدنيا ما في أحد يستاهل انه ينحب

الوحدة لا تتعب قلبها و تحرق أعصابها على الفاضي

لما أتزوجه و يكون تحت يدي ذيك الساعة احبه و نتفاهم

مشكووووووووور أخوي على الطرح

مشكور أخوي على هذا الموضوع...


مثل ما قلت الحب ضاع في هذا الزمن...

خلاص أستوى الحب كلم تنقال على كل لسان ووبساظة تظهر من كل أحد جنها لعبة في يد ياهل..

الناس الوحيدة اللي تحس في هذه الكلمة هم الناس المحرومين منها واللي تزوجوا والله مبالك لهم في حياتهم..

أما عن الشباب والبنات البوم أحبك وباجر يالله إي غيرك أحسن منك يقول أحبك ووياه بيزات..


تسلم على طرحك هذا الموضوع..

يسلمووووا على مروركم العطر


تحياتي

مميز

يسلموووا يالغلا على مرورك العطر


تحياتي