احبتي اضع امامكم بعض قصائد الشعراء

الذين تفاعلوا بصادق مشاعرهم بعدما ماقامت به الصحافة الدنماركية وبتأييد من
حكومتهم بنشر صور كركتيرية تستهزي بالنبي صلى اله عليه وسلم

ومحاولاتهم تشويه سمعة للاسلام والاساءة له000





00




حاربو منتوج من سـب الرسولـي
قاطعـو ناتـج لعينيـن الرسايـم
والحذر ترضون بيـات الحلولـي
فـي مقاطعهـم تقـوو بالعـزايـم
النبي يكرم عـن اسفـاه العقولـي
يكرم عـن الـذل وعيـال القمايـم
ماعلينا مـن خواجـات(ن) تقولـي
اليهود اللي عليهـا ابليـس حايـم
لازم انا ناقـف بموقـف رجولـي
بالنبي في ذمتي مارضـى الهزايـم
صفوت الخلـق المنـزه والمثولـي
النبي اللـي جـلا عنـا الضلايـم
صفوت عباد الثراء عرضن وطولي
في السنين الحاضره وايضا القدايـم
صلاة ربي عـد فـرش الزلولـي
على النبي وعـداد نبـت الوسايـم


خـــــــــــالــــــــــــد الــــعـــــتـــــيـــــبـــــي





رتبـت فـكـري والشـعـر واوراقــه
والمـاقـف القـصـاب دوم اشـتـاقـه
مدامـهـا وصـلـت الـديـن المسـلـم
اولــع الكـافـر وازيــد احـراقــه
حنـا علـى هــدي النـبـي والسـنـه
لـلـديـن درع ولـلاجــر شـفـاقـه
كلـه ولا الاسـلام واصـغـر واحــد
الديـن يمشـي فـي صمـيـم اعمـاقـه
حتـى كـلاب الغـرب قـامـت تنـبـح
تـجـرأت عـلـى النـبـي واخـلاقـه
يـاحـيـف والله يـارجــال الـمـلـه
شلـون نـور الحـق غــاب اشـراقـه
الـحـق معـنـى والنـوايـا وحـــده
ذبــح الدنمـركـي وقـطـع اعنـاقـه
والله لقـاطـع منـتـجـات الـكـافـر
حتـى ولـو وسـط الخلـيـج اسـواقـه
الـزبـد والجـبـن وحلـيـب النـيـدو
معـاد يعنـي لــو يـطـول افـراقـه
نرجـع علـى طبـع الجـدود امـن اول
مـع التمـر نشـرب حلـيـب النـاقـه
كلـه عشـان الـديـن يبـقـى عـالـي
افــداه حـنـا والـذهـب والـطـاقـه
يقولـهـا تـركـي لـفـى الديحـانـي
لـلـديـن درع ولـلاجــر شـفـاقـه
مدامـهـا وصـلـت الـديـن المسـلـم
ذبــح الدنمـركـي وقـطـع اعنـاقـه
==================================
يا سيد الأمه ترى ما عاد به فينـا غيـور
يجمع شتات قلوبنا ويحكم أربـاب العقـول
أمه تداعت بالقيم لكن تباهـت بالقصـور
ما همها إلا السهر والرقص مع دق الطبول
دنيا خذتنا بالترف رغم إنها دنيـا غـرور
وأتفه طباع أعدائنا تلقى لهـا فينـا قبـول
صرنا نقلد وضعهم حتى بقصات الشعـور
ونسبح وراء تيارهم في مرحلة ذل وفضول
أعدائنا تطاولوا رغـم أن مذهبهـم فجـور
تجاهلوا وجودنا وما فيـه بايدينـا حلـول
جهودنا راحت سدى قصورنا صارت قبور
فيها دفنا مجدنا ونعيش فيهـا فـي ذهـول
أحزاننا تراكمت بالفعل ودعنـا السـرور
وماتت كرامة أمتي من يوم جانبنا الأصول
كنا طلايع للجهاد علـى المنافـذ والثغـور
واليوم صرنا كالغثاء اللي تخلفـه السيـول
تغيـرت أحوالنـا تبدلـت كـل الأمـور
تكسرت سيوفنا وما عاد تنجدنـا الخيـول
يا ليت حكام أمتي يقضون في عدة سطور
قرار فيه مقاطعه ولا يجي عنهـا عـدول
حتى على كل العداء دواير الفتنـه تـدور
ونعيد سالف مجدنا ونغير الوجـه الملـول
وندعي عليهم بالقنوت بالويل وأنواع الثبور
اللي تجاوز غيهم ما قام بـه إبـن سلـول
يا الله ترسل صوبهم جند الأبابيل الطيـور
تسومهم سوء العذاب وتقتضي حق الرسول


للشاعر
سعيد الغامدي
======================================



الشمس تاهت و غيـم الدمـع حاجبهـا
و الطير ما عاد يطرِب لحنه أسماعـي
فوقي سما ضاع كوكب مـن كواكبهـا
و أطى على تراب مثل الجمـر لـذَّاعِ
أجرت عيوني مـن اللوعـات ساكبهـا
و أفشى ضميري لنجمٍ ساير أوجاعـي
يا ليت روحي معي بالضحـك أغالبهـا
و ياليت قلبي علـى النسيـان مطـواعِ
أرض (الدنمارك) لا طابـت ملاعبهـا
كثر العنا و العذاب الساكـن أضلاعـي
يوم أطلقت ريشـة الراسـم عقاربهـا
على الرسول الأميـن الخاتـم الداعـي
من باب حريـة الفكـره و صاحبهـا
لبْست عرايا الجرايـم ثـوب الإبـداعِ
الله علـى مجـرم الرسمـة و كاتبهـا
و الله على من سعى في نشـره و بـاعِ
يكرم رسول الهدى عن كـذب كاذبهـا
النجـم عالـي و دود القـاع بالـقـاعِ
يا خير من لا بكـى الدنيـا و ذاهبهـا
و أعزّ من حـاز بالفـردوس مربـاعِ
يا صاحب الحوض ..يروى دوم شاربها
يـا أول الخلـق عـنـد الله شـفَّـاعِ
يا أعظـم النـاس راجلهـا و راكبهـا
يا مـن لحبـه عنيـد القلـب خضَّـاعِ
النفس ضاقت مـن الحسـره مذاهبهـا
مـا بـان ردٍ يبـرّد قـلـب ملـتـاعِ
أحس أنا الشمس تصرخ فـي مغاربهـا
(إلا محمـد) و مـن للشمـس سمَّـاعِ
هو وين ملياااار أعاجمهـا و أعاربهـا
و ين الزعامات مـن حكـام و أتبـاعِ
نرسـل تواقيـع ... بالتوبـه نطالبهـا
نحسب عِدانا مـن التوقيـع ترتـاعِ!!!
وقِّع ... و عَبّ الورق و إملا جوانبهـا
و ابصم بعد فوقها وبعشـر الأصبـاعِ
الشمـس مـا ردّت كفوفـك لواهبهـا
و الذيب يغنم إذا مـا بالحمـى راعـي


للشاعرة
ريوف الشمري
===========================



ياهل النيدو والزبـدة وجبـن البقـر
مابقى الا انتم انتم تشتمون الرسـول
بنفسي وامي وابويه يارسول البشـر
فدوةٍ لك عن اللي منك يبغـى ينـول
وين مكة وطيبـة والكويـت وقطـر
وينكم ياعربنـا ياالرجـال الفحـول
وين بغداد والمغرب وحمص ومصر
وينكـم وقّفوهـم للمحاكـم مـثـول
لاتخلـون بالساهـل خطاهـم يمـر
جرمهم مُنكرٍ عنـد العجـم والمغـول
قولوا بصوت عالي هذا (شيءٌ نُكـر)
عرّضوها -النشامى- واجعلوها تطول
لااحد يقول صوتي ماأرى لـه أثـر
( حسبي الله) تكفي وحدهـا لوتقـول
أشجب ارسل وهاتف قول شعر ونثر
ادع ياالله حنا بك نصـول ونجـول
وقاطع النيدو والزبدة وجبـن البقـر
بر ذمتك حـاول تنتصـر للرسـول


للشاعر
حسين البليهي
==================================



العام / دار العام بسواء مـن العـام
يـا أمـة الإسـلام حالتـك حالـة
العام قلنا نقاطع أنتـاج أبـن سـام
ألماكدنو / والبيبسي / أقطع مجالـة
يمكن نسـوي شـيء يذكـر لقـدام
أن وثـق المسلـم بجيبـه ريـالـة
وهاتك سوالف فا لصحافحه والأعلام
ولا عندك أحسن من فـلان ومقالـة
اللي يقول أن الخسائر بـا الأرقـام
رقماً خرافي / غير كسـد العمالـة
أخبار جمهورية أقراء فـا الأهـرام
هذا السلاح اللـي مـا نلقـى بدالـة
وشوي و ليا كلها أضغاث الأحـلام
ما صار فوق الدين غيـر السهالـة
نقاطـع المنتـج يجـي عـدة أيـام
ونرجـع عشـان أطفالنـا للجهالـة
وقائم مقام مع المرأة عشـر خـدام
وعشـر عربيـات ٍ ملتهـا جمالـة
ما هي لصندوق الأرامـل والأيتـام
ولا هو من والله جوع / لأكن هبالة
أن شفتهـا فالسوبـر تقـول قمـام
ويوميـن واليـا كلـهـا للزبـالـة
أشره على اللي قادته قـود بخطـام
مثل البغل لو شالت السـوق شالـة
يا دايخه با الأمـس جففنـا الأقـلام
ننفخ في قربه / والبغل مـا طرالـة
العلم جد وهمتـك صيـر ضرغـام
كلـن يحقـق مـن طرفـه العدالـة
الدينمرك / شعوب / وأبقار / وأغنام
مـن الهـرم للقاعـدة فـي ظلالـة
اضرب على أنتاج الدنمرك لا قـام
لا قام حـظ اللـي يمـس الرسالـة
دين ألمحبـه والتسامـح والأرحـام
رسولنـا اللـي كملـه فـي كمالـة
أطهر بشر مثله ما صلى ولا صـام
ولنا الشـرف يـوم ٍ حنـا خوالـة
والله ثـم والله لـو هـي لـلأقـدام
ليشوفنـا الملعـون بكـره قبـالـة
ونرجع الأقزام فـي حجـم الأقـزام
ما هو بقطع أنتـاج مـوت وبسالـة


للشاعر
شاعر الفرسان (( زيد العتيبي ))
==================================



ثار بركان القوافي جاعـل حروفـي عمـد
كالرماح الشاذليه ترمـي القـاذف رسولـي
من اراضي العرب اقسم والله لاجعلكم رمـد
يا بلاد الفسق لعنة وسيفـي القاتـل يهولـي
يا رسول الله بشرى كلنـا سيـوف الصمـد
كلنا لدين درع مـا نهـاب المـوت قولـي
ديننا الاسـلام سيـف رمحنـا قاتـل غمـد
في نحور المعتدين ( نجعلُ السُـم مصولـي)
يا رسول الله محمد مـن بنـي هاشـم تمـد
بروحنا والمال نفدى ترابك الطاهر نصولـي
ربنا البـاري هـو الله واحـد فـرد صمـد
داعيك يا رب زلزل كـون اوربـا بزولـي
حنا سيوف العروبه سيـوف اسـلام ضمـد
بدمنـا غيـره لديـن خوفنـا لله ذهـولـي
هاتوا السيف الحقوني قاصصوا المرتد عمـد
انحروهم في صبيحه للكلاب اللغـث مولـي
ارعدوا بالصـوت واحـد نحمـد الله بحمـد
نملك الصبر جلاده من بنـي لابـه تطولـي
قاطعوا اهـل المخـازي اجعلوهـم كالرمـد
قاطعوهم قاطعوهم ناصرو الرسـول حولـي
ارفعوا بالصوت واحد يا رحيم يـا الصمـد
احرق الكفار جمعا عبـرة لباقـي المغولـي
هللـوا الله اكبـر اجعـلـو الــدم جـمـد
في عروق الارتداد كل قاذف فـي رسولـي
شرعنا القـرأن حكـم نتبـع نهـج محمـد
نملك العفـه وطهـاره نعبـد الله بأصولـي
الصليبي يا ابن جاهل من زناديـق ال خمـد
انتظر الموت قـادم واا جهنـم لـك حلولـي
في زمان نحن نبقـا نعتلـي اعلـى العمـد
لا نخاف الموت نبقى كالصقور الشمخ صولي
دمنا حر موحد من اصـول العـرب نعمـد
تخسئوا بالقول خزيا يا ديار الكفـر زولـي
هذه حروفي تشهد شاهـر السيـف لمحمـد
والصلاة على الرسول محمد سيـد المقولـي



للشاعر
ثامر بن جدعان - مضمر القصيد
============================




الله من قلب ٍ مـن الهـم منضـام
والله من فكـر ٍ بـلاه ألزمانـي
يا ناس ياسرع الليالـي والأيـام
مضت سنه وشهورها في ثوانـي
عام ٍ نقص بأعمارنا ولاحقه عـام
وبعامنـا القـادم نـزف التهانـي
والمسلم الفطن من الأخبار مانـام
والشر من عدوان الاسـلام بانـي
سبوا رسول الله في صحف وأعلام
حسبي عليهـم بالخفـا والبيانـي
تهكموا بالمصطفى عمد وإجـرام
وش عاد باقي يالله المستعانـي !
الديـن منهجنـا وبـه عزنـا دام
وأمه بلا غيره رضت بالهوانـي
الحل الأول غيره و فكر وأقـلام
ومقاطعات إنتاجهـم حـل ثانـي
النصر ما جاء بالتمني والأحـلام
جاء بالتكاتف بين قاصي ودانـي
والعز بالصمله وتشميـر الأكمـام
وطاعة ولي الكون في كل شانـي
وما قول أنا أبياتي خيال وتوهـام
الموقف الواجـب عليّـه دعانـي
إن كان ماني في أول الصف قدام
غيابي أجمل ليـن أميـز مكانـي
وختامها ياربـي تعـز الاسـلام
وتحقق أحلام العـرب والأمانـي



للشاعر
فالح الشلوي


الموضوع مفتوح لمن اراد ان ينقل قصائد حول الموضوع وهناك بقية


للاماااااااانه **** منقووووووووول **
:d

لله درهم من شعراء استخدموا طاقاتهم في الدفاع عن الرسول

اشكرك

الاخت نجدية

الاخت الاماكن

الاجمل من ذلك هذة الطلة العزيزة

الله يعطيكم العافية

يعطيكم العافية جميعا....

تسلملى الطلة العزيزة

الله يعطيك العافية