قصائد مميزه لشاعر معروف

]
السلام عليكم ورحمة الله وبركاته
اليوم جايبتلكم مجموعة قصائد للشاعر المميز المعروف
<<ضيدان بن قضعان>>
اتمنى انها تحوز على رضاكم
وأول قصيده بعنوان :<<ياصغير>>
وهي من أجمل قصائد الشاعر ضيدان بن قضعان
والتي تعتبر من أحب القصائد الى قلبي


ياصغير لاتضيعني بنظرات البراءه
وانت ماتعرف مدى تاثير نظراتك بحالي
آه يالبيه يابشويش ياهدئ الاضاءه
للجفون الي من اجفى له يجفني ظلالي
فزبسم الله عليك من المبره للاساءه
وارقد امن في عيوني واسهر امن في خيالي
ياصغير والذكي مثلي اذا خانه ذكائه
ماله الا يعشقك ويصير لعيونك شمالي
وإن فديتك وانت حر من الف باءه لين ياءه
ماعطاني الا الله اسرف واستبيح ولاتبالي
سوى مايرضى غرورك وأد ماتهوى اداءه
انشحى لك بيت حاتم وانت غالي عند غالي
قم تمخطر بالحشى وانسى القراءه والكتابه
وحل واجب شاعر ماحلته سود الليالي
وعلمه وشلون تتعدى على خط استوائه
وعلمه وشلون وكيف وهل يضيعون الرجالي
وكيف يجني خلف سور الجامعه ذنب الكفائه
ساعة اناده ابليس وقاله مالك ومالي
وانت يشفع لك صغر سنك و نظرات البراءه
في رحالي كل مالديت يمي بالرحالي


فمان الله
فمان الله ياول من سكن بين الضلوع العوج
عسى دربك سفير وعسى الله مايخلني
توكل لاتوادع عسى درب الجفأ المسهوج
يصادف درب فرقى عقب هامة تلمحك عيني
سمحت من الهوى ومن القصيد ومن زراق الموج
رميت اغلا مجاديف الغرام وجيت بإيدني
ابغرق في عذابك لارحلت يصبح المنتوج
قصيد في حياتي سلوتي وإن مت يرثيني
وإذا هبن بنات الريح للذكرى بدون سروج
ابسرج مهرةالنسيان وابرحل من عنوايني
وابنسى الين اسج وابرسل الونات فوجوفوج
وابنسى دمع عيني الي ينتثر وانساك من حيني
صبور ايه والله اني ماثنيت العزم قبل ادوج
برضاني الجفا ورمال وصلك لين تسقيني
شجاع ايه والله اني ماعرفت الذل قبل اسوج
قدم رجلي على درب لبيت اهلك يدوديني
كريم ايه والله اني ماعرفت الشح قبل تروج
دموعي في عيوني ثم اشح بحسرتي فيني
احبك حسبي الله ليت مالك في سمائي بروج
ولالك في البسيطه كود شئ بينك وبيني
دخيلك لاتفلت رح بفالك واترك المرجوج
ترى انا مابقى لك الا انا ماعاد يمديني
فمان الله سق ركبك على درب السنين العوج
لكن طالبك بيت عمي لاتخليه

عيون البنات

يقول من عدى على روس الطوال النايفات
من ضيقة بالصدر ثانيها وحزتها عصير
يالله يأعظم الاسماء واجل من الصفات
يالله ياغفور وياسميع ويابصير
يارب أجرني من عذاب القبر مابعد الممات
واغفر لابي وابيه واخوانه وأجرهم يامجير
يارب انا عبد خلقته من تراب ومن طيب ذات
ونفخت وفيه الروح وانت الي على ذلك قدير
يارب انا ماخترت اكون الشاعر الي قاصيات
الطرق يطرقها وتصبح له ارق من الحرير
انت الذي خلقت كائن حي غير الكائنات
الحمدلك والشكر والمنة وفضل الله كثير
يارب انا شاعر واهيم بكل وادي من شتات
وأقول مالاافعل وانا مؤمن ولي قلب وضمير
شاعر ويتبعني من الغاوين كثر الغاويات
ذبنهم من غروربي صرت اقل من الغرير
والشعر مثل السيف بو حدين وعيون البنات
يالتها كانت مدى الشعار ومرسها الاخير
ما كان جبت العيد والعذر البنات المترفات
والعالم الله وش نواقي بالمقدر للضرير
البارحه هبت علي الريح من كل الجهات
حتى عرفت ان الليالي غير والوفات غير
قمت اتلفت بالسنين الي غدت مني فوات
وامنت ان لالعمر مهما طال فالدنيا قصير
كلا ً يموت وينتهي والوقت يمضي هات هات
ولاعاد يبقى الا الذكر ان كأن شر أو كان خير
والشاعر ابقى بعد موته بالعلوم الطيبات
او عكسها والوقت يأخذ والقصائد تستخير
اقرب الي لهم بالبيت سبع معلقات
راحوا ولازالت قصائدهم كما البدر المنير
الاعشى وعمرو وطرفه بن العبد والعبسي ثبات
والنابغه وابن ربيعه وابن ابي سلمى زهير
والشعر فضل شاعره عمن سواه فضل وله سمات
ابو الطيب وهو سقى وابي فراس امير
والشعر مهمافضل الشاعر مقام ودرجات
مافضله بالفعل فاليوم العبوس القمطرير
اقولها وانا اعرف انها ماتلحفني العباة
التي طرفها في يدي وأكمامها في يدي الوزير
لكن على الله يامتم الصوم ومقيم الصلاة
تدفئ الكفوف الباردات ويجبر العظم الكسير
ياصحابي ياحظي المكتوب ياغلى الامنيات
ياجمل الصدفات لو ماجات يالسهل العسير
من صيف عام ماخذاني بعد ولا سبات
وانت تجاهلني وانا وضعي من اسبابك خطير


والحب ذنباٍ ماكيفره التجاهل والسكات
واجهه فديتك واحسم الموقف يصير الي يصير
ولاتعلقني على امل نجوم ساريات
وابقى على قول البدو لولا العمل مات الفقير
ياصحابي ياغلا السنين المقبله والماضيات
ياعز واغلا من على رجلينه يسير
لاتحسب اني جاهل بعض الامور الخافيات
الي الي تحدك وانت مالك عن قلبي مطير
ادري واقدر واتحمل واتحاشي الانفلات
والا تراني في بعض الاحيان ماطيع الشوير
والصبر مفتاح الفرج والقل جراح اللهات
وسهيل يبدئ بالسماء ويهيج في القاع المعير
وانامن الي مجدهم على ظهور المسرجات
قومن مهي تشد الا جاهاه من القوم النذير
وش عادحين على شأنه وش لي بالحياة
ان كان نيل اسرجت افرق الجمع الغفير
لعيون من حبه رسى مرسى الجبال الراسيات
والا اصطفق ماكنه الا الموج فالبحر الغزير


هبايب نجد


ذعذعي ياهبايب نجد لاطاب نوم السالي
وانعشيني بريح من ربى نجد للشرقيه
رحمة الله نسناسك على غترتي وعقالي
كأنه الوصل والبيد شهباء والدير محميه
مرحبا ياهبايب ياهلا وانخطر في بالي
صاحب ٍ مانساني مرحبا بابه على طاريه
يحسبني نسيته وانجلى همي وغربالي
واثرني مانسيت الي سبأ بالهوى عانيه
وكل ماهب نسناس الغلا من ديار الغالي
هب في القلب من ريح الصبا عبرة نجديه
وانجحدت الدموع من الملأ آه وعزالي
وان غشتني دموعي نعنب الحب والحنيه
والله اني صبور والبلاء ياصرايم حالي
لاتذكرت دمع ماغبا لو جحدت راعيه
واحدماجحد حبه ولا شمت العذالي
جاهر بالغلا حلوالنبأ من صفاة النيه
كان ماله سوى تاج الحلا واسم جد وخالي
وصار بلقيس وفي وادي سبأ والحشى واديه
وله جموع تنادي بالولاء من تخدته والي
وله خفوق حماه من الظماء واحرمه وسميه
ولي عيون تحدى وتخلى من كراه حالي
كأنه تقول للنوم تهبا منت كفؤ ليه
غلق الصبر والصدر امتلاء بالغلا وامالي
شتتها رياح الاقرباء والسنين معيه
علتي علتي والمبتلاء لاجفاه البالي
ماله الا حصانه لو كباه في نهاره
سامح الله خبلي لو سلا عن ربيع وصالي
وسامح الله قلبي يوم اباء يندفن في حيه
ووسامح الله هبوب بالغلا من ديار الغالي
ذعذعت لين ذعذعت الصبا عبرة نجديه


هزك الشوق


هيه يالي اغراك الليل واغراك النديم
هيه يالي هزك الشوق والمسرى ضياع
وقفي بين الخطأ والصراط المستقيم
وقفي بين التراحيب وكفوف الوداع
سولفي مثل المشاريه في صوت الحشيم
واسكتي مثل الشفايف لاطاح القناع
واضحكي مثل النواويير في روضة خريم
واغربي مثل المزاجات في غرب الرفاع
وابعدي مثل المتاهات في حلم اليتيم
واقربي بين السوالف وكتفي والذراع
وانظري لي نظرة الشوق للشي القديم
واغرقي بالدمع الازرق مضاليل وساع
واصبري مثل المسافات في صبر الحليم
واسمعي صوت الهوى يوم فليت الشراع
يوم صرتي عود ريحان ورضاي النسيم
واصبري يانجمة الصبح مال الصبح داع
قد طلبت الله وانا بين زمزم والحطيم
شوفتك ياغلا سميه لاصرتي رباع
العيون تجوع تجوع والله العظيم
والعشى في عيونك السود وعيوني جياع
ان عطيتي مايرد الكريم الا الئيم
وان بخلتي قلت تكفيني والدنيا متاع
اقبلي يامثل التباشير في وجه الكريم
وارحلي مثل التعازي على موت الشجاع
مع تحيات اختكم شماليه@

اختي شماليه

اشكرك على هذه المسوعه الشعريه للشاعر المعروف ضيدان

وودنا نسمع شي جديد لضيدان بس حاليا ضيدان منقطع عن الساحه الشعريه

واحنا في انتضار جديده

اخر قصيده سمعتها له

هي ارديه بينه وبين سلطان بن وسام الهاجري

الي انسجنو عليها

الي يقول فيها

البارحه في ادور واحد وخمسين
شبيت من راس الفتيله زجاره


قصيده انشهرت له في التلفونات هي والرديه حقت سلطان بن وسام

اختي شماليه تسلم اناملك على هالمقتطفات الرائعه

ونحن في انتضار جديد الشاعر ضيدان في الساحه

وجديدك في المنتدى

يعطيك العافيه

مشكور<شعوري العاطفي > على المرور
وصح السانك
وانشالله يرجع لنا الشاعر ضيدان بن قضعان ويتحفنا بقصائد أجمل

أختيـــــــــارك متميــــــــز

شمـــــــــاليـــــــه

أشكرك على الابــــــــــــــداع

ولشــــــــــاعر متميـــــــــز أيضـــــآ

تحيـــــــتي

اختيار رائع
يعطيك العافيه
حبيبتي

لاهنتي يالشيخه وتسلمين ع المجهود الطيب



الله يعطيك العافيه

ياصغير لاتضيعني بنظرات البراءه
وانت ماتعرف مدى تاثير نظراتك بحالي
آه يالبيه يابشويش ياهدئ الاضاءه
للجفون الي من اجفى له يجفني ظلالي
فزبسم الله عليك من المبره للاساءه
وارقد امن في عيوني واسهر امن في خيالي
ياصغير والذكي مثلي اذا خانه ذكائه


هاذي القصيده من ارووووووع القصيد عندي لبن ضيدان


تسلمين يالغاليه

يعطيك العافيه على الاختيار الرائع

اشكركم على المرور

روعــــه


وعنوانــــك التميز