تقول وحده : انه يوم جاء يشوفني خطيبي كنت لا بسه تنوره ضيقه
ونصحتني أمي إني ما البسها لكني عاندت وقلت إلا بلبسها..
ويوم دخلت وسلمت وجلست ولا اسمع صوووووت تششششششششششش
وإلا التنوره انشقت من ورا
يالله وش أسوي ؟؟
جلست وأنا أقول لنفسي يالله وشلون بقوم ؟؟!!
وخطيبي جالس ماقام (( مستانس وش وراه))
وأبوي يناظرني والشرر يتطاير من عيونه ويأشر لي عشان أقوم
وأنا خلااااااااص لازقه في الكرسي وما اقدر
وطبعا أختكم في الله جالسه ومنزله عيونها في الأرض
وكنها ما تدري عن أبوها ذا ألي يأشر صار له ساعة
وفي الأخير قام أبوها وقال للخاطب بطريقه لبقه
انتهت الزيارة حياك الله..
ويوم طلع طيران على غرفتي قبل لايشوفني أبوي ويأدبني ...
والثانية تقول : أن يوم دخلت بالعصير وقدمته
وتأخرخطيبي في مد يده عشان ياخذ العصير فظنيت انه مايبي..
فمشيت مســـــــــرعه بالصينية وهو يقول
لحظه .. لحظه .. أبغى واحد لو سمحتي )) )) ..
والثالثة تقول : يوم دخلت أشوف خطيبي ومعي صينيه العصير
تفاجأت فيه يصرخ بقوه ( ما شاء الله مشاء الله )
وقام وقف قدامي وهو يردد(( ما شاء الله مشا الله))
أنا ارتعت وش ذا المهبول وطلعت أصيح
وجاء أبوي وجلس يحاول فيني ادخل مره ثانيه
وبعد ما طلعت روحه دخلت وجلست بعيده عنه
وهو مازال يردد بصوت واطي (( ماشاء الله ماشاء الله ))
والرابعة تقول : أن من عاداتنا أن الخاطب ما يشوف خطيبته إلا بعد عقد القران
ولكن يوم خطبني صديق اخوي أصر انه يشوفني..
فدخله اخوي في المجلس وكان شباك المجلس يطل على الحوش
وحط المقاضي في الحوش
وناداني (( يامنيره تعالي شيلي الأغراض ))
جيت وأنا لابسه قميص البيت وشعري منفوش
يعني وحده في البيت وش شكلها ؟؟ ))!! ))
المصيبة مو في ملابسي ولا في كشتى
المصيبة إني جيت افحط بالعربية واخوي يحاول يهديني ويقول :
يامنــــــــــيره أعقلي * بشويش
وأنا ماعطيته وجه جالسه افحط
وفي الأخير قال الرجال ما ابي إلا هذي لأنها خفيفة دم ..
والخامسه.. قصتها قصه تقول:
الى هالحين زوجها يذكرها بعد 4 سنين زواج و القصه
ان اولزياره لزوجها لها بعد الملكه يعني ثاني يوم
المهم قدمت العصير وقدمت القهوه والى هالحين تمام
المهم اختها قالت لها ترى احنا طالعين
جهزنا لك الشاهي تلاقينه في المطبخ المهم دخلت ومعها صينية الشاهي
وتطقطق بالكعب العالي ومحد قدها والعيوووووون بالارض من الحيا
المهم نزلت الصينيه على الطاوله
فقام خطيبها وقال محد بيصب الشاهي غيري
ارتاحي انتي ياحياتي..
يوم انه اخذ البراد ولا فاضي مافيه غير السكر والنعناع
من الفجعه صرخت وهو غرقااااااااااان ضحك
وشالت نفسها وراحت تجري الا على دخلت امها وابوها
اشفيك اشفيك مخروعه كذا
وتحكي لهم ماتوا ضحك ورفضت تدخل ثاني الا بالغصب
وهو ماقصر استلمها محشاااااات هو وامها .. .
ووحده من البنات تحكي ان زوجها جااااااب لها في يوم الملكه كيكه كبيره بشكل فراوله
راحت المسكينه تجيب السكينه من المطبخ
يوم جات وقربت منها بتقطعها كانت قاسيه الكيكه وجلست تحاول فيها
قلها عيوني شتسوين
هذي مو كيكه هذي شمعه حبيبتي
آخر وحده تقول يوم جا خطيبها وقت الشوفه بالقوة دخلت عليه بعد محاولات مضنيه من امها و اخواتها يدفونها بالقوه علشان تدخل وأبوها هزأها شوي علشان رفضها الأخت طبعا مستحيه المهم يوم دخلت من الربكه راحت صاروخ للرجال ومدت يدها وهو بعد مد يده لكن وش صار خذت يده وسلمت عليها طبعا هو بغى يطير من الفرحه قال هذي رضيه وبتعيشني سي السيد و ابوها وامها اعتقدو انها فرحانه من اول بس كانت تمثل عليهم
م ن ق و ل
24-04-2008, 01:32 AM
المواضيع المتشابهه
مواقف البنات أيام الخطوبة
العرض العادي
