حتى الهامور ماسلم من الغش

[align=center]السلام عليكم ورحمة الله وبركاته


حصلت معي سالفه قبل كم يوم في مطعم حق المأكولات البحرية

تحديدا اسم المطعم "ربيان" في راس تنوره


السالفه او مافيها
أول مادخلت المطعم كان في طاولة معروض عليها
كم نوع من السمك

أنا سألت العامل ويش في من سمك
العامل والله ماقصر


قال لي في شعري, عندق, كنعد, صافي ....... هامور


قلت له طيب ورينا الهامور

وهنا كانت المفاجأة !!




طبعا الي ماعنده خبره في انواع السمك
بيصدق وهو على نياته



هذي الصورة الي فوق صورة سمك اسمه سمان



وفي نوع ثاني يشبه الهامور اسمه لدن

وهذي صورته





واذا بغيتو تعرفو الفرق تأكدو من الذيل
لانه يفرق عن ذيل الهامور



وطبعا في فرق كبير في السعر بين الهامور وبين السمان



سعر كيلو الهامور من 35 الى 55
سعر كيلو السمان او اللدن من 15 الى 20

وطبعا في ناس مستغله الشبه بين الانواع
ويصير النصب على الزباين


وعلشان كده انا كاتب هالايميل



وأكثر من مرة أسمع ان هذي السوالف تحصل في سوق الجبيل

وهذي صورة الهامور
وشوفو الشبه الكبير



تقبلوااا تحيات اخوكم الصغير / الواضح[/align]

عســــــــــى مـــــــــــا صــــــــــدوك فيــــــــــها

انتبــــــــــــــه

ويسلم لانـــــــــا الايميــــــــــــــــل

مشكور أخوي على هذه الموضوع..

والصارحة سالفة الغش هاذي موجودة في كل مكان حتى في الدكاكين الحين..


بس الصراحة أنا ما أعرف شي عن السمج لأني ما أجريه..


هذا إماراتي يعرف في سولف السمج...!!

تسلم أخوي..

أتعيش ولا تاخذ غيرها من سوالف الغش..


^ــــ^

الواضح

مشكور على التوضيح

لاني ما افهم في السمك كثير

شككرا معلومة تنضاف للتسلح ضد الغش هه

أشكركم جميعاً على مروركم الجميل

ولا هنتوااااا

وعليكم السلام ورحمة الله وبركاته

الواضح

كلامك صحيح 100/100

وقولك المثل ولي ميعرف الصقر يشويه

يعطيك العافيه يارب

شرفت بحضورك اخوي اماراتى

عزالله انك صدقت