الاول:الاتوبيس ده بيروح مصر الجديده
الثاني:على الحديده ليه انت طالب احسان
الاول:بذرة الكتان لادي تلاقيها عند العطار
الثاني:جزار اه اوللي كده عايز تشتري لحمه
الاول:معاك حق الدنيا زحمه علشان ده معاد خروج الموظفين
الثاني:نور الدين لاوالله مااعرفوش
الاول: مابتربوش ليه كفا الله الشر
الثاني:راس البر ده مصيف هادي
الاول: عايز تركب للمعادي دي منطقه جميله
الثاني:بليله انت شكلك كده جعان
الاول:عيان ايه والله انت باين عليك عيان طيب ماتروح الدكتور
الثاني:الحنطور ده احسن من الاتوبيس وبيوصلني لحد الباب
الاول:هباب وانا اللي كنت فاكرك محترم
الثاني:اتخرم هو مين
الاول:عاوز اسبيرين ليه انت عندك صداع
الثاني:قراع ينهار اسود ده مرض خطير
الاول:لا والله مش عايز وبعدين مش بااحب الفطير تقيل على المعده وتمنه غالي
الثاني:خالي انت تعرف خالي داه راجل كبير في السن
الاول:الجن نهارك مش فايت انت عليك عفريت
الثاني: لا والله مماعيش انت عايز الكبريت ليه عايز تولع
الاول: ادلع ادلع عليك انت انت ماتملاش عنيا
الثاني: يقبضوا عليا ليه
الاول:انت غريب ياراجل انت شكلك شحات ( يدفعه من القميص) روح اشتغللك شغله تاكل منها عيش
الثاني:خيش والله ده صوف انجيليزي
الاول: بنتك زيزي ربنا يخلي
الثاني:انتاج محلي ده مستورد
يمر شاويش من بتوعنا يلفت انتباه الحوار
الشاويش: بتعمل ايه ياجدع منك له
الاثنين :ايوه ياشويش احنا مستنين الاوتبيس
الشاويش:نهاركم مش فايت جواسيس قدامي على القسم
بانتظار تعليقاتكم
02-07-2006, 09:14 PM
المواضيع المتشابهه
العرض العادي
