زفه للعروس

ام ابراهيم · 28-12-2006, 07:43 PM

خواتي وحبيباتي
اتمنى منكم مساعدتي وعدم البخل علي والمشاركه معي حتى ولو بكلمه واحده
لكم الموضوع انا اختي راح تتزوج قريب واريد طريقه عند زفها الى المنصه مثال فيه زواجات من الي حضرتها يجيبو بنت وولد صغارلابسين عروس وعرويس ويمسكو باقات الورد وينزفو قبل العروسه حتى توصل المنصه وتبدا توزع الورود الي في يد الاطفال للمعازيم الخ الخ الخ
2- مثال يلبسون بنات لبس الغابه ويحطو مسيقى غربيه ويبدو البنات يرقصو حتى الوصول علي المنصه
الخ الخ الخ
واتمنى من كل واحده تدخل على موضوعي تقولي فكره من الي شافتوه في اي زواج حضرته او من زواجها وطريقات زفتها والغنيه الي انزفت عليها او صديقتها او اي فكره طبعان مافي بنت ما تموت على العرووووووووووووووووووووووووس اي الزواجات والحفلات
والاغاني التي تناسب الزفات
وشكرررررررررررررررررررررررررررراجزيل
ارجو منكم الكرم واتعاطف معي نفسي تطلع اختي بشي جديد

jo0ojo0o · 29-12-2006, 04:59 AM

السلام عليكم ورحمة الله وبركاته

..والله أحب أقولك أختي عن فكره ..يمكن تكون قديمه أو معموله..بس أنا صرآحه شفتهآ بزوآج عندنآ’ هنآ بالريآض وأتمنى تعجبك..
..الفكره بسيطه ووحلوه ومره كآنت سبشل..<<..آسفه طولت عليك..:$..
..الفكره ..أنو تسون عرض بور بوينت ..بشآشآت تكون موزعه بالقآعه..والعرض يكون بالزفه قبل ماتدخل العروس..ويبدآ بصورهآ لمآ كآنت صغيره ..وصور للمعرس لما كان صغير..تدخلون صور على بعض ..يعني تكون عشوآئيه شووي ..عشآن تفآجئ المعازيم..وطبعن تتدرج الصور من كانو صغار ..الى صور الملكه..الشبكه..وصورهم لما كانوا يتصورون فووق..<<..وعلى فكره ..اللي سوتها وحده اعرفها وحطوا من بين صورها مع المعرس وهم فوق صورها لما خلصت من الميك أب ولسى مآلبست..<<<..وجد أنيسطو الناس مرررررررررررررره..

وآسفه مره ثآنيه طولت عليك..

ام ابراهيم · 29-12-2006, 06:14 PM

الف شكر عزيزتي جوجو وشكر مره ثانيه لانك اول وحده رديتي علي موضوعي
وشكر ثالث علي الفكره حبيبتي

أم حامد ومريم · 01-01-2007, 08:30 PM

افكار حلوه لدخلة العروس .....بالزفه
من الافكار...
(1)

الكوشه عباره عن حديقة فيها فراشات معلقة في الجدار وازهار كثيره
وكرسي العروس على شكل مرجيحة ثابته وعليها ورود وعلى يمين العروسه كرسيين
صغار وعلى اليسار نفس الحكايه

اما الزفه يدخلون اربع بنات صغار عمرهم سبع سنوات لابسين اجنحة فراشات وماسكين
عصيان على شكل قلوب ولهم زفه خاصة عباره عن صوت ماء وعصافير ويمشون الى ان يجلسوا على الكراسي الصغيرة الي جنب الكوشه وبعدين تكون عند الكوشه بنت لابسه جناح فراشه أبيض لان الاي قبل لابسين اجنحة ملونه اما الفراشه البيضاء ماسكه صندوق على شكل فراشه وداخل الصندوق مسكة العروسه
وبعدين تمشي على الجسر الى ان تصل الى بداية الجسر بعدين تدخل العروسه من البوابه وتمشي الى بداية الجسر ثم تفتح الصندوق وتأخذ مسكتها وتلف الفراشه البيضاء ومعها الصندوق فيه ورد وتنثر الورد على الجسر

والعروسه تمشي وراها الى ان تصل الى الكوشه .

(2)

بالنسبه للطريقه الزفه بالبدايه ممكن تخلون الزفه تبدا قبل دخله العروس ،،،،، بصوت رياح قويه وعواصف وبرق ورعد ...ثم دقات ساعه....ثم صوت خطوات واضحه وعاليه جدا ...ثم صوت فتحة الباب ...
وهنا يفتح الباب لللعروسه كي تدخل في زفات بالبدايه يحبون يحطون شعر وهذي

اول ماتدخل العروس من الباب وتظل واقفه الين مايخلص الشعر ....ثم تبداء زفتها ..

ممكن العروس واثناء مشيتها يجي طفله صغير وشايل معه سله مليانه ورد وترمي الورد منها على الحضور .....طبعا لازم قبل دخول العروس تترسون لهم الممر ورد تغطون فيه الارضيه او الممر اللي بتمشي فيه العروس

وممكن انك تجيبن ((مادري ايش اسمها))((اللي يرتكز عليها الرسام ويرسم فوقها تجيبن مثلها بس تكون حلوه او تودينها لاحد يشتغل عليها بالوان تتناسق مع الوان الكوشه وتجيبين دفتر
فخم وهذا عشان صاحبات العروسه وقرايبها يكتبون لها كلمه وتضعينها عن باب دخول القاعه
واذا جت العروسه تحطينها بالكوشه

وممكن تجيبين واحده ثانيه قبالها وتحطين عليها صوره مكبره للعروسه مع العريس يوم ملكتها ((خطوبتها او صوره حلوه لها مكبره ))

وعلى فكره الحين نازل موضه الكوشه الهندي ممكن تسوي الكوشه وتلبسون اذا جت العروسه لبس هندي وتسون رقصه موحده انتي وبنات العيله قبل دخول العروسه .

(3)

فكرة جديدة لزفة العروس وهي ان تكون مراحل تطور ونمو العروس من يوم طفلة هذة الفكرة شفتها في احد الاعراس يعني قدام العروس يكون خمس بنات

الاولى صغيرة ولابسة فستان
الثانية اكبر وبادية تلبس ملابس اكبر
الثالثة في المرحلة المتوسطة ولابسة لبس المدرسة
الرابعة عباية وشيلة مع كتب جا معية
الخامسة لابسه لباس تخرج
والسادسة العروس

ويكون الدخول تدريجي الاولى الثانية والثالثة الرابعة الخامسة .. العروس ويوقفون لين نقطة ويروحون وتظل العروس وتروح على الكوشة وحدها
جربوها بتعجبكم

4)

الفكره تم تنفيذها بعرس وحدة

اولا القاعه بشكل عام وبعدين الكوشه واخيرا الزفه او الحركه..

القاعه:

الطاولات كانت مرتبه بشكل منسق وجميل لون الشراشف كان ازرق وعلى كل طاوله وفى المنتصف , كوب على شكل فاز..كبير..وطويل... تقريبا (40سم)(مخروطى)وبداخله ماى وسمكه ذهبيه..

الكوشه:

الكوشه كانت على شكل احجار بحريه والمرجان والطحالب البحريه..وعلى السقف كانوا معلقين اسماك حوالى(15 سمكه على مسافات متباعده.. الكرسى وهذا كان احلى شى.. لانه الكرسى كان مصمم بشكل حلو بحيث اسفل الكرسى مصمم على شكل حوض سمك.. على فكره ترى الاسماك الى فالحوض حقيقيه ..وطبعا الاسماك المعلقه لزينه..عن تصدقون بعد انها حقيقيه

واخيرا :الفكره او الحركه الى نزلت فيها العروسه....

قبل لا تنزل العروس طبعا اطفؤا الاضاءه وظهروا اربع بنات لابسات لباس الحوريات بشعورهم الطويله... وكانت الفساتين باللون الابيض... ونزلوا من نفس المكان الى راح تنزل منه العروسه مع اصوات البحر ..... وعلى الممر كانوا الحوريات يقعدون ويمسكون ايادي بعض ويتحركون بشكل الارجوحه ما ادرى اذا الصوره واضحه بس علشان يخلون الواحد يتخيل انه بالبحر..وبعد ما يصلون عند الكوشه يقعدون على كرسى العروسه... وبعدها تصعد بنت خامسه بيدها صدفه كبير..بداخلها مسكه العروس...

والحين تطلع العروسه مع قصيده باسمها واسم المعرس... وتمشى وبيدها نجمة... تمشى لين ما توصل عند البنت الى حامله الصدفه الكبيره تسلم عليها
(تبوسها وتحط النجمه بالصدفه وتاخذ المسكه.. وتكمل شويه بعدين الحوريات الاربع وحده ورى الثانيه تقوم وتبوس العروسه وتروح.. وما يبقى غير العروس على الكوشه

(5)

دخلو اول شيء طفل وطفله ماسكين يد بعض ،، بعدهم طفل ماسك ثلاث مخدات ،،من الاصغار مربوطين فوق بعض ومربوط فيها بلونات ،،،،،، وبعدها طفله ماسكه عربه فيها قفص عصافير،،، وقدام القفص شموع معطره ،،،،، ويوقفون على المسرح

بعدها تجي العروس وتقص حبل البالونات وتطفي الشموع وتبطل القفص ويطرون العصافير

ام ابراهيم · 01-01-2007, 08:57 PM

الله يعطيكي الف عافيه يا ام احلى عصفورين حامد ومريم بصراحه كل افكارك ومشاركاتك رووووووووووووووووووووووووووووووووووووووعه
تسلمي ياغاليه

ام ابراهيم · 01-01-2007, 08:58 PM

اطمع في المزيد من الافكارررررررررررررررررررررررررررررررررررررررررررر رر

شمس النهار · 11-07-2007, 10:03 PM

انا بصراحه في زواجي قلت لأهلي وخواتي كلهم في زفتي غير
لاإله إلا الله
ما أبي

| |xمفاهيم الخجلx| | · 12-07-2007, 02:59 PM

يا ام أبراهيم

جمعت لك بعض أفكار الزفات وأن شاء الله تعجبك

أولاً : زفة حورية البحــــــــــــــر..

الفكره تم تنفيذها بعرس ربيعتى الى حضرته الاسبوع الى الطاف.... ببدا اولا بالقاعه بشكل عام وبعدين الكوشه واخيرا الزفه او الحركه..
القاعه:
الطاولات كانت مرتبه بشكل منسق وجميل لون الشراشف كان ازرق وعلى كل طاوله وفى المنتصف , كوب على شكل فاز..كبير..وطويل... تقريبا (40سم)(مخروطى)وبداخله ماى وسمكه ذهبيه..

الكوشه:
الكوشه كانت على شكل احجار بحريه والمرجان والطحالب البحريه..وعلى السقف كانوا معلقين اسماك حوالى(15 سمكه على مسافات متباعده.. الكرسى وهذا كان احلى شى.. لانه الكرسى كان مصمم بشكل حلو بحيث اسفل الكرسى مصمم على شكل حوض سمك.. على فكره ترى الاسماك الى فالحوض حقيقيه ..وطبعا الاسماك المعلقه لزينه..عن تصدقون بعد انها حقيقيه

واخيرا :الفكره او الحركه الى نزلت فيها العروسه....
قبل لا تنزل العروس طبعا اطفؤا الاضاءه وظهروا اربع بنات لابسات لباس الحوريات بشعورهم الطويله... وكانت الفساتين بالون الابيض... ونزلوا من نفس المكان الى راح تنزل منه العروسه مع اصوات البحر ..... وعلى الممر كانوا الحوريات يقعدون ويمسكون ايادي بعض ويتحركون بشكل الارجوحه ما ادرى اذا الصوره واضحه بس علشان يخلون الواحد يتخيل انه بالبحر..وبعد ما يصلون عند الكوشه يقعدون على كرسى العروسه... وبعدها تصعد بنت خامسه بيدها صدفه كبير..بداخلها مسكه العروس...

والحين تطلع العروسه مع قصيده بسمها واسم المعرس... وتمشى وبيدها نجمة... تمشى لين ما توصل عند البيت الى حامله الصدفه الكبيره تسلم عليها(تبوسها وتحط النجمه بالصدفه وتاخذ المسكه.. وتكمل شويه بعدين الحوريات الاربع وحده ورى الثانيه تقوم وتبوس العروسه وتروح.. وما يبقى غير العروس على الكوشه....

ثانياً : فكرة الأقنــعة التنكريه..

فكرة الأقنعه التنكريه...و بقولج كيف اتنسقينها بعرسج..

طبعاً من الإسم راح يتطلب عليج تواجد الاقنعه التنكريه..إليكم الخطوات اللي بتستخدمون فيها الاقنعه..

و مب أي قناع..في أقنعه حلوه يبيعونا في محلات الأثاث تييج لونها فضيه و راقيه..مثل هوم سنتر..أو the One

المهم..شووووووووووووو الترتيبات اللازمة لعمل الفكره..؟

أولاً : باقتج لازم تكون مرفقه بقناع صغير اللي يكون نص مش كامل...و عليه ريشه بيضه و طويله..

ثانياً : لازم يكون لج انتي بعد قناع .. على حسب فستانج إذا ابيض يلزم فضي و إذا ذهبي .. يلزمج ذهبي و يكون القناع (( نص ))..

ثالثاً : و انتي طالعه للناس اطلعي من الكوشه نفسها..لأنها حركه حلوه..و تكونين لابسه القناع...لين ماتوصلين لإخر الممر بعلى الكوشه..و عقبها شيلي القناع..و عاد الناس بكون فيهم فضول..يشوفون مكياجج..
و الموسيقى اللي تدخلين عليها لازم تكون مناسبه بعد..و فيها شوية اكشن..

رابعاً: عقب ماتشيلين القناع انزلي من على الدرج...و امشي بين الناس..مب بالنص...قومي و امشي بينهم..بس يعتمد على الفستان إذا خفيف عليج سوي هالحركه ..و انتي ماره بين الناس..مدي ايدج و سلمي عليهم.. عاد بستانسووووووووووووووون..انهم سلمو على العروس..

خامساً : و بعد هاللفه كلها ارجعي للكوشه...

سادساً : خوات العروس لازم يكون لهم قناع على الوان فساتينهم...و يرقصون على اغنيه..مناسبه بعد ماتقعد العروس و اتخلص زفتها..

سابعاً : نرجع للتوزيعات..حبذا لو كان على كل طاوله توزيعات فيها اقنعه..و مشغولات يدويه ثانيه حلوه..

ثامناً : حبذا لو الكوشه يكون فيها خيال شوي...شرات القلعه أو ديكور معين مناسب..

تاسعاً : تقدرين اتوزعين مليكان على بوابة الدخول للناس و على المسرح...و لابسين لبس غجري..و هم لابسين اقنعه تنكريه..و تقدرين تتنازلين عن الفكره لو ماتبينها..

عاشراً : الأضواء لازم اتكون خافته..و يكون على العروس و ضوء فلاش مسلط قوي..و يكون هالضوء شغال عليها .. لأن يعطيها جاذبية غييييييييييييييييير..و في حركات حلوه الحين قامو الناس ايبونها..مثل شلال عند ممر دخول الناس...على الأطراف...و في العرس اللي انا حظرته..شفت انهم يايبين شلال كاكاو..و حاطين يمه فراوله و اللي يدخل عادي ياخذ فراوله و يغمصها بالكاكاو و يااااكل..كانت حركه روووووووعه..

ثالثاً : فكرة الطفلة النائمــــــــة (( زفة جميلة ))

تطفاء الانوار ثم يوجه
(سبوت لايت) على مقدمة الممر حيث ترقد طفلة - حوالي 6/7 سنوات -
تلبس لبس أميره تزين شعرها بتاج ناعم وتوضع عصاه على شكل العصاة
السحرية (يعني عصاه بلون فضي أو ذهبي براق، حسب لون الديكور في
نهاية طرفها نجمه) تبدا الموسيقى [يجب أختيارها بعناية حتى تتناسب
مع الموقف أو المشهد] عندما تبدأ الموسيقى
(تمثل) الطفلة بأنها كانت نائمة وتستيقط بحيث تنظر حولها وللسماء
وكأنها تبحث عن شىء ثم تقوم وتمشى وتدور حول نفسها وهي تنظر للأعلى
وكأنها تبحث عن شيء ثم تتعثر رجلها بالعصاة السحرية فتنظر لتحت قدمها
وترى العصاة السحرية وتلتقطها وترفعها للسماء ثم توجهها للبوابه، هنا
تتوقف الموسيقى ويفتح الباب (من الممكن هنا أستخدام مؤثر الدخان) وتطل
العروسة من البوابة .. من الممكن أن تكون دخلةالعروسة على شعر
أو على موسيقى ناعمة حتى تصل
لمقدمة الممر ثم تقف قليلاً حتى ينتهي المقطع الشعري أو الموسيقي.. وتبدأ
الزفة....

رابعــاً: فكرة زفـــة جديدة

هذي أول مشاركة لي في هالمنتدى الرائع واتمنى أكون ضيفة خفيفة عليكم..

وحابه في هالموضوع اعرض عليكم زفة زوجة اخوي وطبعاً كانت من تصميمي..
في البداية كلمت العروس وأستاذنتها أني اعمل الزفة " كنت خايفة ماتوافق " بس الحمد لله وافقت وعلى طول كلمت محل لتجهيز الزفات وطلبت منه يجهز لي زفة بس يضيف لها في البداية مؤثرات ويخليها مرعبة شوي يعني صوت رياح قوي ودقات ساعة مررررة قوية ولما تنتهي المؤثرات يحط موسيقى إبهار يعني موسيقى ملفتة وقوية.. وبعدين الشعر باسم العروسين ثم الموسيقى اللي راح تمشي عليها العروس واخيرا أغاني لما توصل العروس.. وكان هذا الشريط

وبعدين جهزت فساتين البنات اللي راح يكونون في الزفة وكانت زي فساتين الأميرات يعني بيضاء طويلة مع أكاليل ورد على الرأس.. وكانوا 8 بنات

ولما بدأت الزفة أولاً انزفوا البنات على زفة عادية خاصة بالأطفال وكان لهم طبعاً ترتيب معين بحيث أنه 2 يوقفون في أول الممر وبعدين 2 عند الدرج اللي عند المنصة و2 يمين ويسار الكوشة واخيرا 2 وحدة كان معاها البخور والثانية كانت واقفة جنبها. ووقفوا قدام الكوشة شوي لين خلصت زفتهم. وكانت الإضاءة عليهم..
طبعاً كل وحدة من البنات كان معاها شي في يدها يعني شموع وورد وأعمدة المغانسيوم اللي تولع.

بعد ماانزفوا البنات وترتبوا طفت الإضاءة وصارت القاعة ظلام مررررة.. البنت اللي معاها البخور نزلت على طول والثانية عملت كأنها الأميرة النائمة يعني جبنا لها مخدة كبيرة مرة ولونها عنابي عشان تتناسب مع الديكور اللي كان أبيض وعنابي ونامت عليها فوق المنصة وبعدين ولعنا الكشاف ووجهناه على البنت اللي نايمة وشغلنا شريط الزفة طبعا في البداية كانت المؤثرات هادئة وبعدين بدأت تصير قوية وهنا قامت البنت وكأنها خايفة وصارت تدور على المنصة كأنها تبغى تهرب وهي تدور طريق تهرب منه تلقى شي في الأرض وكنا حاطين لها عصا سحرية في أعلاها نجمة والحلو فيها أنه كان فيها زر صغير في الأسفل يخلي النجمة تولع بأضاءة حمراء ولما البنت لقيت العصا صارت تتفرج فيها وبعدين ولعت النجمة " البنت ضغطت الزر " وصارت العصا تؤشر على الباب اللي بتطلع منه العروس, يعني كأنه العصا صارت تتحكم في البنت.

وبعدين فتح الباب اللي بتطلع منه العروس وبدأت الموسيقى القوية وكان جهاز البخار عند باب العروس وانفتح مع بداية الموسيقى بعدين طلت العروس على المعازيم ووقفت مكانها شوي لين خلص الشعر ثم مشت على الموسيقى الهادئة لين وصلت...

جنون امرأة · 13-07-2007, 04:42 PM

بصراحه البنات وفو وكفو شي رااااااااااااااااائع جداجدا ...