د/تخ تش و نانسي عجرم

السلام عليكم ورحمة الله وبركاتة
انا اعرف احد اعضاء يدعى د/تخ تش
لقد كتب هذه القصة اتمنى ان تعجبكم
السلام عليكم ورحمه الله وبركاته .. <--وان كان في مخباتك شيء هاته <-- قديم ..
::
وانا منجطل في الأستراحه .. وأقلب في جريدهـ الرياضيه الصفحه قبل الاخيرهـ تحت
<--والله لو انا قاري الخبر كان اسهل شوي
::
وأقرى خبر ..(نانسي تقيم حفلا" في البحرين والأمارات )

<-- والله ياهــي جرح
::
قلت ياليتـ لو اقدر أروح للحفل .. بس من يقنع ابوي وأخوي الهرش (نايف الفهـد) <-مقمط على جوازي بالتجوري ومصمغه بصمغ ويقول يا انا يا جوازكـ

عاد انا سدحت روحي شوي وجلست أفكر اني بالصدفه سكنت بالفندق الي تسكن فيه نانسي بنت عجرم الله يحفظه ..
<--وكثر لي من بالصدفه ..

عاد وانا طالع من الغرفه .. ولا الغرفه الي بجنبي فيها نانسي ..<--هذي قووووويه

واشوفهــا وابحلق عيوني عليهــا

إلا والله هذي الست نانسي ..

وانا الي اطمر بينهم واسلم عليها .. معقووله نانسي بشحمها ولحمها
وابي ابووسهــا بس عيت .. تقول عيب لا صرنا لحالنا ..
::
قلت ما بدهــاش يا نانسي العــشاء عندي الليــله ..
قالت .. لا مابأدر يا حبيب البي يا تخ تش المزيون <--هذي من عندي
قلت له والله علي الطلاق .. ان العشاء الليله عندي ..
قالت: <--وهي تدربي دميجته شو طلاق ..يعني بدكـ تتركـ مرتكـ إزاء ما جيت لعندكون
الترجمه ( يعني ودكـ تتركـ زوجتكـ اذا ما جيت لك ) <--حسيت إنكم مافيه امل تترجمونه ..
قالت .: أوكي يا تخ تش بدي أجي لعندكوون واتعشى منيح هييكـ
قلت : منيح ونص يا سنايدي ..وانا الي افق كشرتي .. قلت من قدكـ يا تخ تش ابصور معه وأنزله بكشكول علشان بعض الناس الي شايفين ارواحهم ينتبهون لعيالنا ..

يوم صار بالليل والله ويدق الباب ..

قلت : منهو ..
قالت .. بليز افتااح يا تخ تش انا نانسي رفيأتكـ (رفيقتك) <---والله ما تجي يا تخ تش بس مشها
وانا الي افتح الباب .. واقلطهــا واصب له القهوهـ ..
يوم نزلت الفنجال .. <--قلت له خير وش بك ما تقهوين ..
قالت : ولك صحيح إن من الأصيم <--القصيم
<--وانا الي ما خليت تلعينه ما جدعته على المملوح لأنه هو الي قايل لها حسبي الله عليكـ ما خليت لنا شيء ..
قلت : ايه ..؟؟
قالت بدي أجي ازوركن في الأصيم ( القصيم )
<-وانا الي ابلش .. قلت القصيم كله شهباان لو يمر ولد صغير ومزيوون ما تركوهـ بحاله .. وش عاد انتي .. مير مانب رادكـ حيااكـ الله
قالت: عن جد يا تخ تش ...
قلت ايه عن جد وعن عم وخال بس اشربي قهوتكـ ..قالت اصلا" انا مابشرب أهوهـ ( قهوه)
وان الي اصكها بقارورهـ الماء يوم ضحكت وقالــت : شو بتحب المزح يا تخ تش ..

وأنا الي انط عليهــا وأضربهــا مع كتفهــا يوم جلست تصاارخ <-- متعود على الجلافهـ ..
قلت له جااكـ شيء قالت بليز اتصل على الدكتور .:<--وانا انااظرها بعين ..

اكتشفنا بالاخير اني سببت لها فص في كتفها ..<--يا حبي للمزح أجل هااهـ
::
عاد انا رجعت واخذت رقم جواله ( الغريب ان رقم جواله سواء ويشحن له وائل كفوري )
::
يوم وصلت قلت للمملوح ان نانسي جايه تشووف القصيم .. يوم غمي على الولد ويالله فوقنااهـ ..
::
يوم صار يوم الاربعاء وانا الي انتظــرها في مطار القصيم .. يوم جت واثر الدعوى مهب الي انت تبي ..
::
متفــسخه إلا شوي .. ما عليها شيء ..

قت له يا أم عجرم وش ذا<-- بحكم اني ضرب علاقات معه ..

قالت : ولك خلصني وشغل الجيب الربع تبعك <-- قايله لي ابركب جيب ربع
تقول نفسي اقحص فيه ( افحط فيه )
ونفسي اطعمس فيه في كسبان الرمليه ( كثبان الرمليه )
قلت :-له اولا" اسمهــا اطعس مهب اطعمس .. ثانيا" تطعسين في النفوود مهب الكثبان الرمليه .. الله يحفظك ولا تسوين فيها درس جعرافيا لا والله اقلب وجهتس لفيروز ..

وانا الي ادور بها في القصيم وماعرف الا اوصلها للعثيم وامسك بها طريق الملك عبد الله وارجع بها للعثيم مرهـ ثانيه ..

وهي تقول .. مو هيداء الي مرأنا من عندهـ أبل شوي ..

وانا أقول لا هذا غيرهـ <-واقول بقلبي ترى ما عندنا الا هالشارع الي يصلح لك

وكل ما وقفت بإشارهـ اشووف يميني ويسار عااالم من الناس اول مرهـ اشووف الناس زحمه زي هالدرجهـ ذي .. مادري ليش ..!!

بالاخيــر اكتشفت انهم يقولون والله يا الي راكب مع تخ تش ولد مزيوون <-- ما كد شاافوا بنات ( ما قلت لكم شهبااان)

وكل ما وقفنا بالأشــارهـ .. وازنتنا سيارهـ وبدواء يبحلقوون بنانسي ..وهي تناظرهم وتضحك


<-- عاد يا كثر الي ضحكت بوجيههم وصدموا وفيه ناس ماتوا .. وفيه ناس دخلوا بشجر <--اجل لو تصير خويته وش يسوي ...

وديتهــا للفندق نامت .. وقلت لها بكرا من الصبح بكون عندكـ ..

يوم قمت الصبح واناظر جوالي واشوف 12 مكالمه لم يرد عليها ..
بنت عجرم ..تتصل بكـ <--ماشاء الله من زود المياانه
::
قلت يا ولد غسل ورح لهـا تراهــا خبله وما تدل في القصيم ...

وانا في طريقي للفندق واشووف زحمه في السير .. قلت وش هالمهرجاان ..

واقرب شوي شوي .. <-واقول بقلبي ماصار هالمهرجان الا يوم جيت اروح لنانسي ..
يوم قربت واشووف نانسي ..

لابســه ملابسها الرياضيه وتتمرن في شوارع بريدهـ<--لا بعد شورت وقميص كت

وانا الي انطلهــا غصب عليها بمرتبه ورى .. وادووس بها للفندق <-- المشكله اول مرهـ اشوف الضباط كلهم جايين يشرفون على الشوارع وتاركين مكاتبهم ..

وبالـأخير .. يوم وريتها القصيم ..

وديتهــا لأمي الي رحب فيها وقالت .. تعالي يا بنيتي .. خوذي هالكليجا .. لأمتس وسلميلي عليه ..

وخوذي هالحناء .. وحطيه بديتك.. تراهـ يطبع ومهنا ازين من ريحته .. وهي تقول شو هيداء يا خالتي ايم تخ تش ..

<--عاد امي تقول حاالفه والله ان تاخذينه ..

<--امي بسم الله عليها ما تضربن تشوفون وشلون التفتح <--ظهرهـ ما تشوف فيه الا تلحيط من أمي الكريمه ..

وودعنا نانسي بمثل ما استقبلت بكل حفاوهـ وتكريم ..

وجوالي .. كل يومين رساله منها..
وأرسلت لي صور خوياتهــا وقالت نبي نجي نزووركم ..

<--قلت والله والي راااح تأبيدهـ بالسجن ..
::
وبأخر رساله صرحت انهــا تبي تسكن القصيم ..<---
::
وانا جالس اقلب في رسايل نانسي ..
::
إلا وانتبه واثر العيال يضحكون علي وانا جالس اسولف على نفسي في الاستراحه .. وكل الي صار حلم وسرااب ..



القصة مكتوبة من قبل د/ تخ تش في منتديات كشكول